Wir Johanns von Gots genaden abbt ze Lambach bekennen mit disem brief, das fur uns kommen sind Anna, Diemuet geswesstern, Thomann zu Walmstorf seligen tochtter und Ellspet, irs brueder Kuonraden seligen kinnd, umb das halb lehen zw Walmstorf mit seiner zuegehorung, gelegen in der pharr ze Gunschirichen, und habent uns dar umb erweiset mit frummen und erbern lewten, das sy urchund gehabt haben von unnserm vorsedel abbt Syman seligen gedechtnuss, die in verprunnen seinn, das das ir rechts endleichs und veterleichs erib ist. Also haben wir den egemelten geswesttern Anna, Dyemuet und irer muemen Elspeten und irer aller eriben das egemelt halb lehen mit aller seiner zuegehorung, das inn nichts ausgenomen angever, verlihen und bestett zu rechttem eribrechtt in der beschaiden, das man uns und unserm gotshaus alle jar jerleich da von dienn und raihen sol zu sand Gallen tag zwo grass chueffen saltz, zw den weinachten funfczehen Wienner phenning ze pawstewr, zw sand Jorgen tag funf phenning ze vogtsteur, und von dem gantzen lehen dient man uns drew huen. Wir mellden auch, das sy kainerlay wandlung da mit haben sullen an unser handt und gueten willen, und sullen auch alles das da von leiden und dulden, das annder unsers gotshauss eribler gein uns leiden und dulden unverczigen unsers gotshauss rechten in allen sachen. Des ze urkund geben wir in den brief, besigelten mit unserm anhangunden insigel, der gegeben ist nach Kristt gebuerde vierczehen hunndert jar und darnach in dem drew und dreyssysssten jaree an sambczttag nagstt nach gotesleichnam tag.