Martinus episcopus servus servorum Dei dilecto filio Wolfango de Lambach, presbytero monacho professo monasterii Lambacensis sancti Benedicti Pataviensis diocesis, salutem et apostolicam benedictionem. Provenit ex tue devotionis affectu, quo nos et Romanam ecclesiam revereris, ut petitiones tuas illas presertim, que anime tue salutem respiciunt ad exauditionis gratiam admittamus, hinc est, quod nos tuis supplicationibus inclinati, ut confessor tuus, quem duxeris eligendum, omnium peccatorum tuorum, de quibus corde contritus et ore confessus fueris, semel tantum in mortis articulo plenam remissionem tibi in sinceritate fidei, unitate sancte Romane ecclesie ac obedientia et devotione nostra vel successorum nostrorum Romanorum pontificum canonice intrantium persistenti auctoritate apostolica concedere valeat devotioni tue tenore presentium indulgemus sic tamen, quod idem confessor de hiis, de quibus fuerit alteri satisfactis impendenda, eam tibi per te, si supervixeris, vel per heredes tuos, si tunc forte transieris faciendem iniungat, qua tu vel illi facere teneamini, ut prefertur, et ne, quod absit, propter huiusmodi gratiam reddaris proclivior ad illicita imposterum committenda, volumus, quod si ex confidentia remissionis huiusmodi aliqua forte committeres, quo ad illa predicta remissio tibi nullatenus suffragetur, et insuper, quod per unum annum a tempore, quo presens nostra concessio ad tuam notitiam pervenerit, computandum singulis sextis feriis impedimento legitimo cessante ieiunes, quod si predictis feriis ex precepto ecclesie regulari observantia iniuncta penitentia voto vel alias ieiunare tenearis, uno alia die singularum septimanarum eiusdem anni, qua ad ieiunandum ut premittitur non sis astrictus, ieiunes, et si in dicto anno vel aliqua eius parte esses legitime impeditus, anno sequenti vel alias quamprimum poteris modo simili supplere huiusmodi ieiunium tenearis, quodque, si forsan alias prelibatum ieiunium in toto vel in parte quandocunque adimplere commode nequiveris, eo casu confessor ydoneus, quem ad hoc elegeris, ieiunium ipsum in alia pietatis opera commutare valeat, prout anime tue saleti viderit expedire, que tu pari modo momenti. Nulli ergo omnino hominum liceat hanc paginam nostre concessionis et voluntatis infringere vel ei ausu temeraris contraire. Si quis autem hoc attemptare presumpserit, indignationem omnipotentis Dei et beatorum Petri et Pauli apostolorum eius se noverit incursurum. Datum Rome apud sanctos apostolos xvii kalendas novembris, pontificatus nostri anno nono.