Ich Hanns Ledrer, ambtmann ze Tratenek, bekenn mit dem offen brif, das ich enphangen und eingenumen han von wegen meins gnadigen herren hern Reinprechten von Walssee, hawbtman ob der Enns, von dem erwirdigen geistleichen herren hern Hannsen abbt ze Lambach dreizzig phundt Wienner phenning an der vogtstewr, so er mir vor zu dem vergangen sand Jorgen beczalt solt haben. Derselben dreizzig phunndt phennig sag ich in und sein goczhaws anstat meins benanten genadigen herren qidt, ledigen und los. Mit urchund des brifs bebart mit meinem aufgedrukchtem petschaft geben an sand Katreintag anno Domini vicesimo sexto.