Ich Hanns capplan in dem spital cze Everding bechenn offnleich mit dem brieff gen menichleich, das mich der erwirdig geystleich in Got vater und herr herr Hanns abt czu Lambach und sein convent daselbs ausgericht, gewert und beczalt habent funff phunt Wienner phenning, der sy mir ycz czu unser lieben frawntag czu der liechtmezzen schulldig gewesen sind. Derselben obgenanten summ phennig sag ich den vorgenanten meinen genadigen heren den abbt, sein convent und sein goczhaws wizzenleichen mit dem briff quitt, ledig und los. Mit urchund des brieffs verpetschafft mit meinem auffgedrukchten petschad. Geben czu Everding des nachsten phincztags in der ersten vastwochen annoetc. xxiiiio