In nomine Domini amen. Anno nativitatis eiusdem millesimo quadringentesimo vicesimo, indiccione tredecima, pontificatus sanctissimi in Christo patris et domini nostri domini Martini divina providencia pape quinti anno tercio, coram venerabili et [...] viro domno Johanne Sindrami, decretorum doctore, officiali curie Pataviensis [...] notario [p]ubli[co] tes[tium ...] subscriptorum [...] pers[onal]iter constitutus honorabilis [...] de Aspach, rector parrochialis ecclesie in Wu[...]flein[...] presbyter Pataviensis diocesis quoddam prothocol[lu]m olim bone memorie Heinrici Rab de Prawnnaw, clerici dicte diocesis, publici imperiali [auctoritate] notarii de et supra testamento per quendam pie recordacionis dominum Johannem Tesch de Aspach, presbyterum prefate diocesis facto et habito in modo exhibuit et produxit, supplicans dicto domno officiali humiliter et dev[o]te, quatenus michi nota[rio] infrascripto ordinaria auctoritate mandare dignaretur, ut dictum prothocollum in medium publici instrumenti propter mortem dicti Hein[r]ici notarii nondum confecti, in publicam redigerem formam firmitatem perpetuam habituram, prefatus vero dominus [o]fficialis huiusmodi supplicacioni tamquam iustis et racionabilibus annuens, informatus primitus per testes ydoneos et fidedignos noticiam manus et scripture dicti olim Heinrici Rab habentibus, et eciam ex dictis testium prothocollo huiusmodi inscriptorum e[...]d testamentum prefatum ita factum sit, sicud in eodem prothocollo manu propria olim ipsius Heinrici scripto continetur, [m]ichi notario publico subscripto mandavit, quatenus prothocollum predictum in publicam formam redigere deberem, nil addend[o] vel minuendo, quod sensum mutaret aut viciaret intellectum, interposiciones, auctoritatem ordinariam et decretum volens et d[e]cernens tenore presentis instrumenti, quod dicto instrumento ex prefato prothocollo confecto fides indubia ubilibet locorum adhiberetur in judicio et extra in omnibus et per omnia ac si predectus [o]lim Hainricus Rab si in humanis ageret, dictum instrumentum ex prothocollo suo in publicam formam redigisset, cuius quidem prothocolli tenor sequitur de verbo ad verbum et est talis. Anno etc. decimo octavo indicione undecima die decima septima mensis junii hora terciarum in domo Laurencci Holczkchersel Wienne in lecto egritudinis constitutus in quadam camera predicte domus domnus Johannes Tesch de Aspach, presbyter Pataviensis diocesis, existens, compos racionis et sane mentis testatus est sollempniter et expresse, omnia et singula bona mobilia et inmobilia, presertim pratum suum in Stadel, similiter literas super prato predicto apud Martinum Tesch chursner opidanum in Kchrems fideliter per eum deportans domno Michaeli de Aspach, amico suo, ita quod idem Michael de dictis bonis iuxta ipsius fidelitatem et constanciam anniversarium unum instituat ob salutem anime sue singulis annis in monasterio sancte Dorothee peragendum. Cum residuis vero bonis exequias peragat primum, septimum et tricesimum ac alias de eisdem agat, prout melius et conveniencius sibi videbitur expedire, presentibus ibidem honorabilibus viris domno Mathia, plebano in Dreskchirichen ac domno Symone plebano in Prunn ac altarista in Newnburgaforensi super quibus omnibus et singulis prefatus domnus Michael requisivit me notarium publicum infrascriptum, ut sibi unum vel plura publicum vel publica conficerem instrumentum vel instrumenta. Acta sunt hec Wienne in palacio domus cappelle beate Marie virginis in Littore ibidem hora vesperorum vel quasi, die vero veneris nona mensis Augesti, anno, indiccione ac pontificatu quibus supra presentibus ibidem discretis viris domnis Thome de Gundramsdorf, Michaele de Zeveld et Conrado Haber de Veldorf presbytero et clericis Pataviensis et Eystetensis diocesis testibus circa premissa.

Ego Thomas Hedlinger de Wels clericus Pataviensis diocesis, publicus imperiali auctoritate notarius, quia de mandato prefati venerabilis viri domni Johannis Sinderami decretorum doctoris officialis predicte curie presens instrumentum [...] et in hanc publicam formam [...]