Ich Hanns Alramer von Dorfflarn, Hannsen saligen des Alramer sun ab dem Alramsperig, und ich Margreth, Gerungs saligen des Alramer witib anstat meiner dreyer chinder empieten dem erwirdigen geystleichen unserm genadigen herren hern Jacoben abbt ze Lambach unser undertanig, willig und gehorsam dinst. Genediger herr, wir pitten ewer gnad, das ir dem kegenwirtigen Fridlein dem Alramer, unserm lieben prueder, weyser des brieffs wellet leichen daz gut am Alramsperig an unser aller stat, das ist unser gutleich will, wenn wir ainen alten brief gehabt haben, der im verloren ist warden, der unsern vadern ubergeben ist warden mit sampt dem obgnanten gut. Und des ze urchund senten wir ewern gnaden den offenn brieff versigelten mit des ersaman Hannsen des Stelczhueber diezeit richter ze Chirchdorff aufgedrukchtem pethschaft, den wir mit vleizz darumb gepeten haben, ym und seinen eriben an schaden, wenn wir petschaft nicht enhaben. Geben ze Kirchdorff an sannd Antoniitag etc. decimanono.