Erbirdiger und geystleicher her unseren willigen dienst. Wyst von des guecz wegen dacz Marschalching gelegen in Gaczspalczhofer phar, das wir und unsrew gewistret verchauft haben und haben das geben Kathrein von Marschalching und da megen wir zwo swester von ehafter nat wegen zun ewkch nicht chomen, pit wir ewch vleizig, wan Kathrey von Marschalching zun ewch chumbt mit ainem chauft wrif von des obverschriben guecz wegen, das ir ir den versidelt, und das ist unser guet wil, und wellen auch hin fur da wider nicht reden noch ze sprechen haben angefar, und des sind zewgen das unser wil ist Gogsel von Pewnt, Jorig von Zachleiten, Nykel von Haselpach, al die und sind gesesen unter Franckenburk, wesigelt mit Wernczleins dacz Zwigswalden, die zeit amptman dacz Frankchenburk aufgedruckten petschaft, den wir dar umb peten haben im und sein erben an schaden. Geben dacz Zwigswalden am suntag an sant Albans tag anno etc. xvi^mo

Angnes, Gangleins des Vleyshacher hawsfraw von Ubang,||
Anna von Hasellaw