Ich Hainreich der Ru^ees, meyn hawsfraw Elspeth, Perchtolds des Oberhaymer sa^eligen tochter, vergehen offenleich mit dem gegenwurtigen brief und tun kunt allen den, die in sehen oder ho^ern lesent, daz wir mit wolbedachtem mu^et und auch mit gutleichen willen und wort unser nachsten, pe^esten frewnd und besunderlichen mit Yesse des Rewter, Absolon des Rewter, Elbel des Rewter, Achacn des Rewter, aller vier pru^eder willen und wort ledickleich gemacht und geben haben durch unser und unser vorvodern und nachkomen sel sa^elika^eit und ze hilff und ze trost allen glawbigen seln unsern hoff ze Aich, gelegen in Gaspoltshofer pfarr, der da gelegen ist bey dem hof auch ze Aich, der da gehort in die aptey ze Lambach, der rechts rittermessigs aigen ist, den ewirdigen herrn dem convent ze Lambach in ir oblay und haben in den ingeantwurt in ir nutz und gewer mit allen eren, nu^eczen und rechten, die darzu geho^ern und davon becho^emen mo^egen mit stifft und sto^er ze haws, ze hoff ze holcz, ze veld und ze wismad, wie daz genant ist, nichts ausgnomen in dhainerlay weis mit der weschaiden, daz sie uns zu einer ewigen gedechtnus alle wochen am phintz tag ein mess sprechen schullen in unserr capellen, die wir parst und gestifft haben in sand Erasms und Procops ern und ist gelegen in dem krewtzgang bey sand Benedicten cappell und schulln uns auch alle jar ja^erleich ainen ewigen jartag begen achtag vor sand Jacobs tag oder in den na^echsten achtagen hinnach, des nachtz mit ayner vigilig und des morgens mit aynem gesungen selampt mit belewchtnu^es als ander gestifter jartag in dem gotshaws ze Lambach gewonhait ist. Wir offen auch, daz der oblaymaister ja^erleich in die custrey schol raichen von dem benanten hoff sochtzig phennig, dar umb es zu dem jartag und zu der wochenmess die kertzen raichen und geben schol und dem me^essner fur sein arbait acht phening. Wir offen auch, ob die wochenmess und der jartag verczogen wu^erden und nicht begangen wu^erden, als oben geschriben ist, des ge nicht engeb, daz emphelhen wir in aller gewissen und besunderleich ir yeckleichs gewissen und sand Erasm und sand Procop fu^erzebringen an dem ju^engsten tag, den got an dem a^engstleichen gericht sitzt. Wir melden auch, ob ain pabst steer, pischolfstewr oder gewaltstewr oder welherlai werwa^ernuss daz wer auff daz gotshaws ze Lambach geshlagen wu^erd, so schol des egnant hoff oder wen sie zu freysessen dar auff stifften, dhain mitlayden nicht in haben nach beswa^erung; wir sein auch des obgenanten hoffs ir rechte gewern und furstand fur all ansprach wy offt oder vor wem in des no^et und durft geschicht nach dem lands recht ob der Enns, was in dar inn abging mit dem rechten, dar schullen sie haben auff aller unser anderr hab, wo wir die haben oder laszen, wie die genant ist, nichts ausgnomen in dhainerlay weis an als gever. Daz das alles sta^et und unzebrochen bleib, daru^eber geben wir in den gegenwu^ertigen brieff, versigelten mit meyns obgenanten Hainreichs des Ruesz aygen anhangundem insigel, und dar zu ze ainer pessern sicherhait und geczewgnu^ess mit der erbern unserr lieben frewnten Yesse des Rewter und Absolon des Rewter, Elbleyns des Rewter und Achacii des Rewter aller virr gepruder, und mit des erbern unsers lieben frewnds Hansen des Oberhaymer aller anhangunden insigeln mit der willen und gunst sich daz gescha^eft und gema^echt also vergangen hat, die all funf ir insigel durch unserr vleissiger pet willen an den brieff gehangen haben in und iren erben an schaden, der geben ist nach Christi gepurt virczehenhundert jar darnach in dem virden jar des mitichen vor unser, frawentag zu der Liechtmesse.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 533-535, Nr. 446