Ich Symon der Chopp von Gru^entdorff und ich Chu^enigu^end sein eleichew hausfraw,und ich He^ansel sein sun, vergehen und tu^en chu^end offenbar mit dem brieff allen, den er fu^erpracht wird, das uns der e^ernwierdig gei^astleich herr abpt Syman und sein convent des goczhauss ze Lambach mit wolbedachtem muet und mit veraintem rat und guetem willen gelassent habent iren ledigen und unverchumberten weingarten, gelegen ze Geresdorff, und ist genant der Harde^akker, des ain halbs jeuch ist, nu^er zu unserr dreyer lebta^eg und nicht lenger also weschaidenleich, das wi^er in und irem goczhaus ze Lambach all jar je^arleich da von dienen und raichen schullen den drittentail mayschs aus dem selben weingarten; wi^er schullen auch den mayschs mit in tailen vor dem weingarten; we^ar awer, das seu ze Geresdorff pressen wolten, so schullen wi^er den mayschs allen pringen in i^er press und schullen in dann den dritten emer most aus dem grant geben. Wi^er schullen auch den weingarten nicht lesen an i^ers hofmaister ze Krems willen und scheinpoten, auch schullen wi^er den weingarten stiftleich und pawleich inne haben und verwesen mit allem guetem gewonleichem weingartpaw und besunderleich all jar vierstund hawn und grueben und misten und stekchen als vil des alles notduerfft ist und welichs jars wir dem obgenanten weingarten ain paw oder mer verczugen oder nicht ze rechter czeit arbaiten, das wissenleich we^ar oder das wir in das drittail als vor geschriben ist, nicht raichten, so sein wir geschaiden von allen unsern rechten, dew wir gehabt haben an dem obgenanten weingarten. Wir mu^egen auch mit unsern rechten an dem obgenanten weingarten allen unsern fru^em schaffen mit verseczen, mit verchauffen, doch christen und nicht juden, mit den rechten als vor benant ist, und ob der brieff an dy^e juden che^om, den wir von dem goczhaus u^eber den egenanten weingarten haben, den schol er dhain chrafft haben weder umb vil noch umb wenig. Auch melden wir, wann wir obgenante drey leib mit dem to^ed gar absto^erben sein, wy^ee dann der weingarten erfunden wi^ert, es sey mit wein oder an wein, oder wann es in dem jar ist, also ist er in und irem gaczhaus gancz und gar ledig warden an alle widerred, und schull sich dann ir hofmaister oder verweser ze Krems des obgenanten weingarten underwinden an allen chrieg und widerred, also das seu unser freunt, noch gelter, noch ander yemant von unsern wegen dar an nicht engen noch irren schullen weder mit recht noch an recht an als geve^er. Wir offen auch, das all wandlung mit dem obgenanten weingarten all czeit geschechen schullen mit i^ers hofmaisters ze Krems hant, wissen und willen, dem schal man dann geben czwen Wyenner phenning ze anlait und als vil ze ablait. Das in das also stet und unczebrechen beleib, daruber geben wir dem obgenanten goczhaus ze Lambach den offen brieff, versigilten und bestet mit des erbern und beschaiden Erharcz des Geresdorffer insigel, das er durich unserr vleissiger gepet willen sein insigel an den brief gehangen hat, y^em und seinen erben an schaden, darunder wir uns verpinden in aides weis alles das stet ze haben, das oben an dem brief geschriben ist mit unsern trewn, wann wir obgenant drey leil insigel nicht enhaben. Der brief ist geben nach Christi gepurd vierczehenhundert jar dar nach in dem dritten jare an sand Me^arten tag.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 529f, Nr. 443