Rudolffus quartus, Dei gratia archidux Austrie Styrie et Karinthie dominus Carniole Marchie ac Portusnaonis comes in Habspurg Phyrretis et in Kyburg marchio Burgowie nec non lantgravins Alsacie universis Christi fidelibus in perpetuum salutem in salvatore omni cum noticia subscriptorum. Cum ex Christiane professionis tradicionibus teneamus firmiter nos promereri salutem utriusque hominis si religiosas personas, jugiter militantes altissimo favore benivolo prosequamur, in hiis specialiter que eisdem a clare memorie nostris prioribus ad vite noticiam sunt concessa, constituti igitur in nostra presencia religiosi in Christo fideles nostri devoti Chunradus abbas et Hainricus prior monasterii Chremsmunstrensis ordinis sancti Benedicti Pataviensis dyocesis, nobis suo conventus et dicti monasterii nomine humiliter supplicarunt, quatinus privilegium, ipsis per dive memorie dominum Rudolffum olim romanorum regem nostrum proavum concessum super victualibus suis deducendis et postea per clare memorie Fridericum ducem Austrie et Styrie nostrum patruum innovatum ratificare approbare et confirmare de principatuum nostrorum benevolentia solita dignaremur. Cujus privilegii et confirmacionis tenor de verbo ad verbum inferius annotatur: "Fridericus etc." ........ vide Bd. V, pag. 609; 1307, 17. IV., Bd. III, pag. 511, 1279, 5. XI. Nos dictorum abbatis et prioris precibus favorabiliter inclinati dictum privilegium cum sua innovatione approbamus ratificamus et presentibus confirmamus, volentes dictum privilegium cum sua confirmacione et contenta in eis singula in suo gaudere vigore et robore perpetuo permanere. Idcirco universis et singulis nostris et terrarum nostrarum comitibus baronibus ministerialibus capitaneis judicibus castellanis mutariis theloneatoribus ac aliis no¬stris officiatis servitoribus et subditis presentibus et futuris quibuscumque censeantur nominibus sub obtentu nostre gracie precipimus et mandamus, quatenus fratres dicti monasterii effectu dicti privilegii et hujus nostre innovationis gaudere permittant libere contradictione qualibet non obstante, sicut dei ultionem et gravem nostram indignacionem voluerint evitare. Testes hujus rei sunt reverendi in Christo domini Gotfridus Pataviensis Paulus Frisigensis frater Petrus Marcopolensis ecclesiarum episcopi, Johannes Medlicensis Clemens Scotorum Wienne mouasteriornm abbat es ordinis sancti Benedicti Pataviensis diocesis magist er Matheus de Esculo prior generalis fratrum Heremitarum ordinis sancti Augustini, et viginti tres in sacra scriptura magistri ejusdem ordinis, Meinhardus de Goricia palatinus Karinthie Ulricus de Schownberg consangwinei nostri Berchtholdus de Maidburga Ulricus de Cylia comites, Stephanus de Meissow marscalcus Haydenricus de Meissow pincerna Albero de Puchhaim dapifer Petrus de Eberstorf camerarius Wilhelmus de Krewspach magister venatorum Eberhardus de Walsse de Lyntza Fridericus de Walsse de Styria Leutoldus de Stadek marscalcus provincialis Austrie Johannes de Trawn Capitaneus super Anaso Heinricus Rappach magister curie nostre Johannes de Lozperg magister camere nostre Wilhelmus pincerna de Liebenberg dispensator noster et plures alii fjde digni. Et in hujus rei evidens testimonium et robur presentes sigilli nostri ducalis appensione fecimus communiri. Datum et actum Wienne vicesima septima die maji anno domini, millesimo trecentesimo sexagesimo secundo indictione XV. anno etatis nostre vicesimo tertio regiminis vero quarto anno.||
+ Wir der vorgenant Herzog Ruodolf sterken disen prief mit dirr underschrift unser selbs hant. +

Source Fulltext: OÖUB 8 (Wien 1883) S. 79ff., Nr. 79