Ich Hainreich der Chersperger und ich Gedraut sein hausvrou und all unser erben wir veriehen offenwar mit disem brief und tu^en chunt allen den, die in sehent ho^ernt oder lesent, daz wir mit wolbedachtem muet und zder zeit, do wir ez wol getu^en mochten und nach unserr pesten vreunt rat recht und redleich aůz unserm nutz und gewer in di iren zechaufen gegeben haben den erbern geistleichen herren der ganzen gemain ze Chremsmunster unser wisen genant daz Razzvelt gelegen in Weischiricher pfarr, und di lehen ist von dem selben gotshaus ze Chremsmu^enster, umb vierzehen phunt alter wienner phenning, der si uns ganz und gar gericht und gewert habent ze allen den tegen und seu daz tun schulten, wir sein auch der vorgenanten wisen ir gewern als landes recht ist ob der Ens. Nemen seu daran dhainen schaden von mir oder von meinen erben mit recht, das zwen erber man gesprechen mu^egen an aid, den selben schaden schu^ellen wir in ablegen und widercheren an recht und an irrung und schullen seu daz haben auf andern unserm gu^et, daz wir indert haben in dem lant ze O^esterreich, und des selben schadens da von bechomen so seu nechst mu^egen an recht mit unserm gu^eetleichen willen. Und daz in diseu sach also stet und unverchert beleib, daruber geben wir in disen offen brief versigelt mit mein egenanten Hainreiches des Chersperger anhangunden insigel und ze einer Pezzern bezeugnu^esse mit Ernsten des Otsdorffer zden zeiten richter ze Chremsmu^enster anhangundem insigel im an schaden. Der brief ist gegeben do man zalt von Christi gepurd dreuzehen hundert iar und dar nach in dem dreu und fu^enfkisten iar des nachsten mantages nach unser Vroun tag zder dienst zeit.

Source Fulltext: OÖUB 7 (Wien 1876) S. 325,Nr. 319