Ich Go^etfrit in der Aw^e und mein hausvrow^e Offmey und all mein erben vergechen und tuen chunt, das wir das guet pei der Chirichen gechauffet haben da Ulreich auf gesezzen ist mit meins herren gu^enst von Chremsm/enster also beschaidenleich, wan wier das selb guet nicht verziechen mu^egen, das uns not dar zu treibt, das wir iz verchauffen muezzen ich und mein hausvrow^e Offmey und unser paider erben, so schullen wir das selb guet eim paumann geben, der dem gotzhaus nu^etz sey oder wem mein herr von Chremsmunster gern leich, ob des nicht geschaeh das das ubergangen w^eerde, so schol das vorgeschriben gu^eet ein vervallens guet sein dem gotzhaus daz Chremsmunster. Das di red staet und unverchert beleib, dar uber gib ich disen prief versygilt mit Leutolden des Choln^e und Dyetmares des Haebichaer paider anhangunden insygil wand ich aigens insygels nicht en han. Der prief ist gegeben do von Christes gepu^eerd ergangen warn dreutzehen hundert iar dar nach in dem acht und viertzkisten iar an sand Pauls tag vor der Liecht Mess.

Source Fulltext: OÖUB 7 (Wien 1876) S. 42f., Nr. 46