Ich Hainreich und ich Chuenrat die Vonsdorfer mit unsern hawsvrow^en und mit allen unsern erben vergehen mit disem prief, daz aller der chrieg ganz verricht ist, der zwischen uns und dem gotzhaw^es ze Chremsmu^enster gewesen ist umb ain guet ist gelegen in dem Ga^estental, das do haisset an der Puechen und lehen ist von dem Pistu^em ze Pabenberch, also daz das selb guet des selben gotzhaw^ez ze Chremsmu^enster recht chawfftz guet ist von uns und die werung umb den selben chawf gar emphangen haben und daz wir und unser hawsvrow^en und all unser erben, wie sew genant sein fu^erbas auf das selb guet chain ansprach nicht schu^ellen haben, wir sein auch des vorgenanten guetz des egenanten gotzhaw^ez recht gwern fu^er all unser erben nach des lantz recht ze O^esterreich, ta^et wir des nicht, das schol das selb gotzhaws haben awf alle dew und wir haben in dem selben lant ze O^esterreych. Und daz das alles stoet beleib geb wir dem erbern hern abbt Fridreichen und seinem vorgenanten gotzhawˆs ze Chremsmünster disen offen prief versigelten mit unser paider prüeder anhangunden insigeln und zu^e ainem pessern urchu^ende mit hern Gu^enthers spitaler an dem Piern und Ulreichs von Hag zu der selben zeit Purgraf daz Chlaws anhangunden insigeln, die nach unser pet und in an allen schaden diser sache recht zewg sint. Geben daz dem vorgenantem spital do von Christes gepuerd gezalt warn drewtzehenhundert jar dar nach in dem sechs und viertzkistem jar an sand O^eswaltztag.

Source Fulltext: OÖUB 6 (Wien 1872) S. 556f., Nr. 550