Ich Ru^eger von Stoeutz ... ze Hertzogen-Neunburch chlosterhalben vergehen ... daz ... Apte Friderich und deu Samenunge des Goteshauses ze Chremsmunster ... gechauffet habent wider frowen Jeutten die Fu^ehttaerinne und wider ir sun Heinrichen und wider ir tochter Leukarten und wider Chu^enraten Leukarten chonwirt ein halbez Geuch wein wahs, leit in dem wolfgraben, der e gewesen des futeroer umbe Sehs und dreizech pfunt phenning wienner mu^enze ... und habent sih jn furziht getan mit Gebharts hant von Sanct Mertein, der ze der zeit des weingarten Perchmeister was von hern Albers wegen von Chu^enringen, hat auch der selbe Gebhart den selben weingarten dem e genanten Apte Friderichen und siner Samenunge ze Chremsmunster ze rehtem Perchreht verlihen ... und deu vorgenant fu^etraerinne und ir sun Heinrich habent ir leibe und ir gut dem vorgenanten Goteshause fu^er den e geschriben Weingarten halben ze rehtem Scherme gesatzt fu^er alle ansprache; Darzu Heinrich de Chu^enstel genant und sin Chon frowe Leukart habent mit gesampter hant für den halben weingarten dem egenanten Gotteshause mit Jacobs hant des Forster irs Perchmeisters ir weingarten in der Hertzoginne peunt, des ein halbez Geuch ist, und leit bei Friderichs Moentleins wingarten swaz der selbe weingarten tewer ist den siben phunt dar zu^e ir leibe und gu^et gesatzt ze rehtem Scherme ... Ditz ist geschehen und diser prief gegeben do von Christes Geburt gezalt waren Dreuzehen hundert Jar und in dem ...

Source Fulltext: OÖUB 5 (Wien 1868) S. 612-613, Nr. XVII (Anhang)