Ich Janns der Fuchsperger von Grinczing vnd ich Kunigund sein hausfraw vnd alle vnser erben, Wir vergehen - Vmb das halb phunt wienner phenning geltes, das der Erber Geistleich herr, herr Ernst der Techler, Chorherr ze Newnburg vnd zu den zeiten Pharrer dacz der heiligenstat hat auf vnserm weingarten gelegen ze Grinczing in dem Clinrichgraben - vnd das do gehoret zu eim ewigen Jartag, den Michel der Mayr zu derselben pharrchirichen geschafft hat - do man auch alle iar dient den erbern geistleichen frawn dacz sand Chlaren ze wienn ain ort ze perkchrecht - daz wir - mit vnser perkchfrawn hant, der erbern Geistleichen frawn Swester Johannen der Sonnbergerinn, zu den zeiten Abtessinn daz sand Chlaren ze Wienn das egenant halb phunt gelts dem vorgenanten pharrer dacz der heiligenstat - bestet vnd verschriben haben - Vnd wand wir selben aigen insigel nicht haben, darumb So geben wir In den brief - versigelten mit der obgenanten vnser perkchfrawn insigil Swester Johannen der Sonnbergerinn, Abtessinn dacz sand Chlaren vnd mit des erbern mannes insigil Lewpolts des harmarkchter von der heiligenstat - Der geben ist ze Wienn - drewzehen hundert Jar dornach in dem drew vnd Newnczigistem Jar des nechsten Sampcztages nach sand Mertteins tag.

Source Fulltext: ZEIBIG, Klosterneuburg (=FRA II/28, Wien 1868) S. 73