Wir Cholman von Gots gnaden Probst, Bartholome Techant vnd der Convent gemain dez Gotshaus vnser frawn ze Newnburg chlosterhalben Vergechen - Daz wir - mit vnsers haws grunthern hant, des erwirdigen hern Abt Hainreichs vnser frawn gotshaws datz den Schotten zu Wienn - verchauft haben vnser halbs haws vnd den halben hof doran, alz der auz ist gemercht, gelegen vor Schottentar zu wien auf dem graben vnd sto^est an di Pastuben auf dem mist, do man all iar von dient vnser frown gotshaws datz den Schotten zu Wienn sieben wienner phenning zu gruntdinst an sand Michels tag - daz in vnser oblay geschaft hat vmb einen ewigen Jartag Eckart von Newnburgk - vmb acht phunt wienner phenning - dem erbern priester vnserm chapplan in vnserm hof zu Wien hern Petrein von Nerenshaim vnd seinen erben - Vnd dez zu vrchund - geben wir - den prief versigelt mit vnser oblay grossem anhangunden Insigel vnd mit vnsers egenanten hawsgrunthern insigel - Auch hab wir gepeten den erbern mann lienharten den Vrba^eschen., purger ze Wienn - Der prief ist geben - drewczehen hundert Jar, dar nach in dem drew vnd newnczgisten Jar acht tag nach sand Michels tag.

Source Fulltext: ZEIBIG, Klosterneuburg (=FRA II/28, Wien 1868) S. 70