In nomine sancte et individue Trinitatis. Eberhardus Salzburgensis Ecclesie Dei gracia Archiepiscopus Chunoni Subensi Preposito in perpetuum. Ut ea, que vel per sententiam decisa vel consilio fuerint terminata, nulla tergiversatione valeant ulterius in litem revocari, dignum est ea ad perpetuam memoriam scripture mandari. Unde nos presenti pagina tam nostri quam futuri temporis Christi fidelibus significamus, quod pie memorie Tridentinus Episcopus Altmannus Subenensem Eeclesiam a quadam Regina Tuta nomine, de qua secundum carnem genus duxit, primo fundatam, sed succedentibus heredibus circa divinum cultum minus devotis tam religione quam redditibus dilapsam restauravit et ablatas possessiones partim, ut potuit, restituit deque suis nonnulla supererogavit. Inter cetera vero bona, que eidem Ecclesie contulit, Eeclesiam sancte Margarete apud Hengest cum dote et dotalibus mancipiis, aream, ubi curia quondam, modo novella vinea plantata est, cum curte stabularia, pars Halchesdorff, quod utrumque cum omnibus suis pertinentiis, mancipiis videlicet, areis, agris, campis, pratis, pascuis, cultis et incultis, silris, venacionibus, piscationibus et omnibus quesitjs et inquirendis locavit in manum Marchionis Engelberti de Chrayburch, qui rogatu ipsius Episcopi delegavit ea Subensi Ecclesie in consecrationem altaris sancte Marie, quod memoratus Episcopus consecravit ac eisdem prediis dotavit anno Domini MCXXXVI. Indict. XIV. II. Calend. Maii regnante Lothario Imperatore tertio sub Antecessore nostro venerande memorie Archiepiscopo Cunrado. Cuius rei testes sunt Albwinus et filius eius Erchinbertus, Pilgrim et filius eins Albicinus et Otto, Albero et Udalscalch de Torringen, Rudgerus de Winden, Cunradus de Holzhausen, Ekkolf de Possimunsture et Otto et Herich, Hainrich de Brunsberch, Joh. de Snellendorff, Pabo, Gerboto, Pilgrim, Penno, Gerolt et alii quam plures. Horum autem prediorum usus longo tempore sibi usurpavit Engelscalcus de Libniz Parochianus, qui ab eiusdem Ecclesie Preposito tunc Chunone sepius super hoc provocatus ad iudicium in nostra presentia hac se tuebatur responsione, quod ea non invasione sed pretaxati Episcopi Domini sui largitione possideret. Prepositus autem pretendebat, priorem donacionem factam Ecclesie posteriori prerogare et Episcopum A. hec eadem bona non solum donasse, immo a memorata Regina quondam collata modo Ecclesie quasi etiam restituisse. Nos itaque neutram partem per sentenciam gravare vel utilitate sua nudare volentes, quoniam et ipse E. donationem eiusdem Episcopi cum Castro Hohenburch cum omni sua possessione derenerat in proprietatem Ecclesie, nostro consilio, venerabilis Gurcensis Episcopi Romani aliorumque Prelatorum ac fidelium nostrorum deliberatione utriusque partis assensu et electione post largitiones plurimas huic cause hac conventione finem dedimus. Memoratum Engelscalcum legatione supradictorum prediorum totiusque predii sui, quam extra proprietatem Ecclesie causa effugii in manum Styrensis Marchionis locaverat, ne videlicet apud nostrum forum super hoc conveniri deberet, per sententiam recipere coegimus et in manum Friderici de Lonsberch ministerialis Ecclesie per manum eiusdem Marchionis delegare, delegandum, quo ipse postulayerit et nos consuluerimus. Habebat autem Subensis Ecclesia in eadem yicinia duas villas Sedingen et Haslach in sua proprietate. Utilitatem igitur istarum villarum idem E. a Preposito nostro consilio eo tenore recepit, ut post obitum suum vel si prius deliberaverit, et supra nominata predia, que ab ipso repetebat, Subensis Ecclesia recipiat atque adiacentia, que sue proprietatis apparebant, exceptis quibusdam villis ultra Muram sitis. Pro hac ergo precariatione et pro sua suorumque parentum nec non sepe dicti domini sui Episcopi Altmanni perpetua redemptione unacum manu matris sue Diemout nomine et per manum memorati Friderici de Lonsberch delegavit beato Lamberto et fratribus Subensis Ecclesie in proprietatem, quicquid apud Stammarkt visus est qualicunque possidere, nec non utrumque Parschalchesdorf et Lewarn cum omnibus suis pertinentiis, cultis et incultis, quesitis et inquirendis et cum omni utilitate, que quolibet modo ibi poterit provenire. Et ad firmitatem huius traditionis et in testimonium proprietatis prefatam Ecclesiam sancte Margarete cum dote et omnibus, que ad ipsam pertinebant, atque prenominatas villas, quas delegaverat cum duabus villis Seding et Haslach, a manu nostra et Gurcensis Episcopi Romani et sepe dicti Prepositi Cunradi in beneficium, donec vixerit, recepit et singulis annis ad huius rei indicium et memoriam pro taxatione unius bovis XL. nummos Frisacensis monete Subenensi Ecclesie persolvere debebit. Huius rei testes et auctores fuerunt Romanus Gurcensis Episcopus, Romanus eiusdem Sedis Prepositus, Hainricus Sahburgensis Abbas, Gerhohus Richerspergensis Prepositus, Rudbertus, Wilhelmus, Udalricus Capellani et plures de Clero. Laici quoque: Gotfridus de Werde, Burchardus de Staine, Heinricus filius sororis eius, Carolus de Mandilkirchen, Eberwinus de Lobsin, Dietmarus de Ergoltingen, Duringus de Werven, Ekkehardus de Tannen, Marchwardus de Uzlingen et filius sororis eius Marchwardus, Wisent de Bongu, Fridericus de Bettuwa, Fridericus de Lonsberch, Gotfridus de Wietingen, Rudolph de Duonesberch, Chuno, Sigmarus, Rudolf de Libniz, Rudgerus de Wilkirchen et alii quam plures. Actum Libniz anno dominice Incarnationis MCLIII. Indictione II. XIII. Calendas Januarii anno secundo Friderici Regis, anno vero nostri Pontificatus septimo feliciter. amen.

Source Fulltext: OÖUB 2 (Wien 1856) S. 265-267