No. 251. 1448. 13. Juli.

Wir Friderich von gotes gnaden herczog zcu Sachsen :c. bekennen je., das wir Herman Böhmen vnserm tutenden knechte das thorampt vf vnserm slosse zcu Lipczk durch sins flissigen dinsts willen ingethan beuolheln vnd gelihen habe, das sine lebetage zunorwesen, dorumbe ym auch eyn iglicher voit daselbst tegelichen zcweer manne koste geben sal ane abebruch, als das für alder bie vnserm üben vater seligen vnd bie vns daher vngeuerlich gehalden wurden ist. Dorczu wir ym auch die sunderliche gnade gethan hau, das er sommercziit in dem twinger vnd an dem slosgraben vnder den böwmen, da man das gras nicht gehauwen kan, graßen mag laßen, doch mit willen vnser amptlute, vns an dem hauwe vnd graße ane scha den. Ouch sal ym dorczu ein yglicher vnser voit vnd amptmann vff igliche gpltuaste vnd quatembere, diiwile er dasselbe vnser thorampt ynnehat vnd redelichen vorweset, geben sechs nuwe grosschen zcu schftgelde. Doruff vns derselbe Herman Behem zcu dem gnanten thorampte gelobt vnd gesworn hat, des redelichen zcü warten vnd das zuuorwesen, vnd sich auch von vnser wegen nach vnsern amptluten, die zcu- gecziiten do sin, genczlich zcürichten ane allerley arglist vnd geuerde, Zcu vrkunde haben wir vnser insigil wissentlich an* dissen brieff lassen hengen, der gegebin ist zcu Rochelicz am sonnabinde sente Margarethen tage der heiligen iungfrauwen noch Cristi vnsers herii geburtt XIIIIC dornach im achtvndvirczigsten iaren.

Nach dem Cop. 43 fol. lOO1" im K. Haupt-Staatsarchiv zu Dresden.

Die Urkunde ist später, wahrscheinlich nach dein Ahleben Behme's, durchstrichen worden.

192