Vniuersis presentes litteras inspecturis. Nos Waleramus Dux de Limburg. Notum esse volumus et presentis scripti testimonio declara

335

mus, quod dilectos nostros (Jiues Colonienses vniuersos et singulos 1253 per rectam et consuetam viam a Colonia vsque Traiectum superius et a Colonia vsque Leodium eundo et redeundo cum personis et re- bus suis siue etiam cum sua prompta pecunia in nostram protectio- nem recepimus et conductum, saluo nobis theloneo nostro de iure ab eis inde debito et consueto, promittentes ipsis bona fide omnique dolo et fraude exclusis omnino, quod quicquid in dicta via nostri conductus lucente die dampni seu grauaminis eis accideret vel etiam de rebus suis amitterent aut forte noctis tempore, de quo nobis con- staret seu posset ueraciter demonstrari, id totaliter persoluemus eis- dem sub testimonio sigilli nostri presentibus appenso. Vt autem pre- missa firmiter et fideliter obseruemus, inde ipsis statuimus fideiussores, viros nobiles consanguineos nostros dilectos Willelmum Comitem Ju- liacensem, Waleramum fratrem eius, Waleramum dominum de Mon- sioye, Gerardum dominum de Wassinberg et Johannem dictum de Rifirscheit, qui se ad omnium obseruacionem predictorum nobiscum in solidum obligarunt. Nos uero predicti nobiles confitemur omnia prenotata, sicut prescripta sunt, uera esse et per omnia ita acta et ad ea fideliter obseruanda tam a dicto domino Waleramo, duce Lim- burgensi, quam a nobis, nos ad preces ipsius Ducis obligauimus et fideiussores super hoc constituimus nosmetipsos, ita quod nisi pre- missa memoratis fuerint Ciuibus obseruata, nosWillelmus Comes Ju- liacensis et nos Waleramus frater eius moniti ab eisdem Ciuibus uel ex parte ipsorum Coloniam intrabimus ibique iacebimus inde non exituri, nisi de eorum fuerit voluntate. In omnium itaque predicto- rum testimonium et firmitatem presentem paginam sigillis nostris fe- cimus communiri.

Actum Colonie anno domini millesimo cc. Quinquagesimo tercio.

Nach dem Original im Stadt-Archiv. Drei Siegel vorhanden, drei fehlen.