Alexander episcopus servus servorum dei venerabilibus fratribus archi- episcopis, episcopis etc. Cum abbates Cisterciensis ordinis tempore concilii generalis congregati, ut occasione privilegiorum suorum ecclesie ulterius minime gravarentur, ad commonicionem felicis recordacionis Innocencii pape prede- cessoris nostri statuerint1, ut de cetero fratres ipsius ordinis nisi pro monasteriis de novo fundandis non emant possessiones, in quibus decime debentur ecclesiis, et, si pro monasteriis de novo fundatis tales possessiones pia fidelium devocione collate eis fuerint aut empte, committantur aliis colende, a quibus ecclesiis decime persolvantur; dictus predecessor uoster statutum huiusmodi gratum habens et ratum decrevit, ut dicti fratres de alienis terris ab eo tempore ac- quirendis, eciamsi eas propriis manibus aut sumptibus excolant, decimas persolvant ecclesiis, quibus racione prediorum antea solvebantur, nisi cum ipsis ecclesiis aliter ducerent componendum; quod et ad alios regulares, qui gaudent similibus privilegiis, extendi voluit et mandavit, ut ecclesiarum prelati prom- pciores et efficaciores existerent ad exhibendum ipsis de suis malefactoribus iusticie complemeutum eorumque privilegia diligencius et perfeccius observarent. Sed, quod dolentes referimus, iu contrarium res est conversa, quia, sicut ex gravi querela dilectorum filiorum magistri et fratrum hospitalis sancte1 (Marie Theutonicorum)3 Ierosolimitani frequenter audivimus, nonnulli ecclesiarum pre- lati et alii clerici eorum privilegia temere contempnentes et contendentes

maliciose ipsorum pervertere intellectum eosdem multipliciter inquietant. Nam, cum sit ipsis indultum, ut de novalibus, que propriis manibus exco- lunt aut sumptibus sive de ortis, virgultis et piscacionibus suis vel de suorum animalium nutrimentis nullus ab eis decimam exigere aut extorquere presu- mat, quidam perverso intellectu conficte dicentes, quod hec non possunt nec debent intelligi nisi de hiis, que sunt ante concilium generale acquisita, ipsos super hiis multiplici vexacione fatigant. Nos igitur eorum quieti paterna sollicitudine providere volentes universitati vestre per apostolica scripta man- damus, quatenus dictos fratres a prestacione decimarum tam de possessionibus habitis ante concilium memoratum quam de novalibus sive ante sive post idem concilium acquisitis, que propriis manibus aut sumptibus excolunt, de quibus novalibus aliquis hactenus non percepit, necnon de ortis, virgultis et pisca- cionibus suis et de suorum arantium nutrimentis1 singuli vestrum omnino servetis immunes contradictores per censuram ecclesiasticam appellacione post- posita compescendo. Datum Anagnie idus maii pontificatus nostri anno sexto.

R. 105 inter Alsatica n. 19 in triplicis transsumti apographo: I. Iudicum delegatorum Spi- rensium ad pctitionem magistri et fratrum ordinis Theutonicorum domus asserentium ipsis peri- culosum esse presentem literam dnci de loco ad locum. 1276 in crastino Egidii (sept. 2) intus in 2. Iudicum Curiae Spirensis transsumto 1303 feria IV post dom. q. c. Oculi ad preces ma- gistri et fratrum Th. intus in 3. officialis archidiacon. curiae Basilcensis d. d. 1303 vi kal. maii Basileae. 1. statuerunt R. 2. sic R. 3. M. T. deest R. 4. nutmentibus.