Honorius episcopus servus servorum dei venerabilibus fratribus archiepi- scopis et episcopis et dilectis filiis abbatibus, prioribus, archidiaconis, decanis et aliis ecclesiarum prelatis, ad quos littere iste pervenerint, salutem et apo- stolicam benedictionem. Dilecti filii, fratres hospitalis sancte Marie Theo- tonicorum Ierosolimitani, nobis graviter sunt conquesti, quod vos confratres suos et eligentes in eorum cimiteriis sepulturam ab ipsis non permittitis fratribus sepeliri et eisdem exhibere iusticiam de suis malefactoribus negligentes in vestris non patimini ecclesiis fratres ipsos elemosinas querere, nec ad largien- dum eis pias elemosinas populum exhortari1. Quocirca universitati vestre per apostolica scripta in virtute obediencie districte precipiendo mandamus, qua

tinus vos ipsi ab impedimentis huiusmodi penitus desistatis et vestros subditos taliter per censuram ecclesiasticam appellacione remota cogatis desistere ab eisdem, quod dicti fratres super hiis non possint de cetero querelari. Datum Laterani xvii kal. februarii pontificatus nostri anno v.

Sine dato: I, 73 n. 40; II, 98 n. 29; A. 20 n. 29 Latine et Germanice cum nota: . Et est in Marpurg" etc. D. 28. — Cum dato: Laterani xvii kal. febr. p. n. a. 5. A. 16 p. 63 „in Marpurg". 1. exortari I.