Conene chose seit a toz ceaus, qui sunt et qui avenir sunt, que je Jo- han 1'Aleman, sire de Cesaire, ai apaute et apaute perpetuaument de ma terre, que je ai devant Acre, ce est a saveir Beitegen et Seisor et Nef et la Ha- seinie et Mergecolon et Gelon et toz ses devanz diz casaus o tot luer terroir et luer devises tex com il ont ne aveir deivent, seit en terre gaaignee ou non gaaignee, en bois, en aigues, en pastures, en gastines, en plains e en mon- taingnes apaute a Tennorable frere Everart de Saine, grant comandeor au jor de 1'ospitau de nostre dame des Alemans et en leu de maistre, et as freres de cele memes maison et por le grant profit d'eaus et de luer maison et par ce, que ma terre luer est bien seant et que, se ele fust venue en mains d'au- tres gens, que il fust torne a grant damage d'eaus et de luer maison, et par ce 1'apauterent il de mei et par en tel maniere, que les devans nomez casaus furent adonc prisies chascun par sei et toz ensemble et par la bone volente et par 1'otrei de mei devant nome Johan et des freres de la devant dite mai- son, ce est de luer covent; et tot avant fu prisie Beitegen quatre cens besanz sarracenaz de totes rentes; et Seisor set cens besanz et Nef sis cens bezans et la Haseinie cent bezans et Mergecolon deus mile bezans et Gelon deus cens bezans, don la some fu de tot encemble quatre mile bezans sarrazenaz; et tan furent il prisies ne au plus chier ne au plus vil et a reinables annees, et de ce pris Nabatige mil et sis cens bez. sarraz. a toz jors en eschange de sese mile bez. sarraz., que les freres de la devant dite maison me baillerent adonc; et le remanant qui demore, ce est a entendre deus mile et quatre cens bez. sarraz. au peis d'Acre, si me sunt tenuz ou a mes airs ou a mes comande- menz, et nos ont en covenant de baillier les nos en luer tresor de luer mai- son d'Acre ou en luer chastiau de Monfort, ce est assaveir la, ou je devant dit Johan ou mes airs ou nos comandemenz le amerons miaus a receveir, de ses deus lues franchement et quitement sans servise et sans reconoissance, que mei ne mes airs en seient tenuz de faire as freres de la devant dite maison de 1'ospitau des Alemanz de cest apaut et par quatre termes de 1'an, ce est a saveir chascun treis meis sis cens bez. sarraz. au peis d'Acre et sans nul

autre delaiement et en peine de mil bez. sarraz. Por la quel peine il m'ont obligue a mei devant dit Johan et mis en gagiere par 1'otrei et par la bone volente de luer covent et de luer chapistre un luer casau, que il ont es apar- tenances d'Acre, et marchist a CasaJ 1'Inbert et a non La Bace, ce est a en tendre en tel manierre, que, se le terme de quatre meis passast et il ne m'eus sent paie enterinement les devanz dis sis cens bez. por la paie des treis mes, que il fussent encoru tot tronc envers mei ou envers mes airs ou envers nos comandemenz de la devant dite paine de mil bez. sarraz. sur tos les biens dou devant nome casau de La Bace, et que les freres de la devant dite maison de 1'ospitau des Alemans ne nul home por ceaus ne nos en peust aler a ren contre de nule chose jusques a ce, que nos devant nome Johan ou mes airs ou nos comandemenz eusiens reseu les devanz diz mil bez. de la peine, et apres ce que le casai reveigne arieres en luer mains et en tel maniere com il estet devant. Et se il passeit le terme de sis meis et que les freres de la devant nomee maison ne nos eussent paie ausi des dues paies enterinement, que 1'apaut, qui est desus dit, de nos et d'eaus fust failli a toz jors mais et que mei ou mes airs devons aveir tote la terre et les devanz diz casaus en terinement sans contredit des freres de la devant nomee maison ne de home por eaus rendant luer les seze mile bez. desus diz suir toz nos biens, ce est assaveir dedens 1'an apres ce que nos raurons eu tote la terre enterinement et les casaus desus nomes seront en nostre pooir; et les freres de la devant nomee maison des Alemans me sunt tenuz leiaument et en bone fei de par- tenir le devant dit apaut tot ensi com il est desus moti, et se devant nome apaut me sunt il tenus et m'ont en covenant leiaument et sur luer ames et par luer abit de faire a toz tens mais et en sunt hors totes pestilenses et totes forces de gens que que il seient, fors tant, que se force de Sarrazins venis- sient en la terre ou force dou seingnor dou reiaume de Jerusalem ou de celui qui sereit son bail ou reaume et en lue de lui; et por le fait de cest apaut nomeement et par ensi que les freres de la devant nomee maison de 1'ospitau des Alemans ne pussent aveir ne tenir enterinement la terre que tant conse * durereit, ne nos fussent rien tenuz de doner le devant dit apaut et se les Sar razins ou le seingnor dou reaume ou celui, qui sereit son bail en lue de lui, ne feissent force que de partie de la terre et que les freres de la devant dite maison ou home por eaus tenissient 1'autre partie de la terre, eaus nos sunt tenus et nos ont en covenant, ce est a mei ou a mes airs, de maintenir 1'apaut selonc ce que ans tenreient de la terre par la forme dou pris des casaus desus diz et tot ensi com il est desus moti, ce est assaveir de paier nos ou nos airs ou nos comandementz chascun treis meis et nomeement selonc la quantite de ce que il tenreient de la terre et par la manierre, qui est desus dite, et de la peine ausi; et si me sunt tenuz et m'on en covenant les freres de la devant nomee maison de deffendre la terre et les casaus desus diz a luer pooir et en bone fei sans nul engin contre toz ceaus, qui la tenreient ne qui force i fereient, fussent crestiens ou Sarrazins, et je luer en sui tenuz

d'aider les ent ausi a mon pooir en bone fei dedens cort et dehors cort contre toz ceaus, qui forse ou tort luer fereient; et quant eaus eussent arier la terre, il nos sont tenus et nos ont en covenant de paier le devant dit apaut de tot ensemble tot ensi corn il est desus moti, et nos en somes teuuz de faire ent le servise a la seingnorie dou reiaume de Jerusalem et tel com ma terre le det de tot ensemble, ce est a saveir de treis chrs.' et tierce, et si luer sui tenuz ausi, que se dreit seinguor venist en la terre, ce est ou reiaume de Jerusalem, et aus pussent tant faire vers lui, que il vosist otroie se devant dit apaut en maniere devete perpetuaument as freres de la devant nomee maison de 1'ospitau des Alemans de faire le sans aler a 1'encontre de nule riens et de confermer luer au plus estable que je porrai par les covenans desus diz; et se il aveneit, que la seignorie de la terre ne vosist otroier la vente ne soffrir cest apaut, ainz en alast a 1'encontre et en tel maniere, que les freres de la devant dite maison ne peussient tenir la terre ne les casaus desus no- mez et que la tere et les casaus enterinement revenissient et fussent en mon pooir ou de mes airs, que nos lor somes tenuz de rendre luer les desus diz seze mile bez. dedens un an et sur toz nos biens ou que il seient. Et que tot, ce qui est desus moti de 1'apaut, fust tot tronc failli de nos et d'eaus jusques a tant, que aus peussent aveir 1'otrei de la seignorie dou devant dit reiaume et proprement de ce fait fust en apaut ou en vente par les covenans desus motis et totes ses devanz dites choses tot ensi, com eles sunt desus mo- ties, luer ai ge faites et jurees et partenir les en bone fei et par 1'otrei de ma leal espouse Marguerite dame de Cesaire et de ma suer Heilehuis ausi, qui 1'ont ausi jure por mon profit et por le luer meemes. Et nos Marguerite dame de Cesaire et nos Heilehuis suer dou devant nome sire de Cesaire reconois- sons an dues ensemble et chascune par sei, que nos 1'avons jure et otroie a tenir tot ensi com il est desus dit, et quitons toz les drois, que nos i avons ne aveir jamais i devons1, as freres de la devant dite maison de 1'ospitau de nostre dame des Alemans, ce est assaveir sauf les covenans desus motis. Et por ce que ce seit ferm et estable pardurablement as freres de la devant dite maison de 1'ospitau des Alemans et que je et mes airs en somes tenus tot ensi com il est desus dit et par en tel maniere, que le devant nome comandor et en lue de maistre por lui et por le covent de la devant dite maison de 1'ospitau des Alemans nos a promis par son abit et sur s'ame, que tot pie- stant com luer maistre qui ore est ou autre maistre qui fust apres lui, venist en la terre de faire son pooir lui et tot son covent en bone fei et au plus enterinement que il porroit coinent il otreiast et confermast enterinement por lui et por sa maison totes ses choses en la forme et tot en la maniere com eles sunt desus moties; et a greignor seurte dou fait et de la devant dite mai son ai je fait faire se present previlege et confermer de mon seel de plomb et a la garentie de mes homes, ce est assaveir Hayme 1'Alemau mon cozin et Jaque Vidau et Michel le fiz sire Raou de Bazele, et des homes de la seignorie mon cozin mesire Garnier 1'Aleman. Ce fut fait en 1'an de 1'in

carnation nostre seignor Jhesu Crist m et cc et xlix le derain jor don meis d'avril.

m, 158. 1. bia.