304. 1216 decembris 19 Romae ap. S. Petrum. Honorius III ordinis Theu- tonici desertores eorumque fautores censura ecclesiastica coerceri iubet Honorius episcopus servus servorum dei venerabilibus fratribus archi- episcopis et episcopis, et dilectis filiis aliis ecclesiarum prelatis, ad quos littere iste pervenerint, salutem et apostolicam benedictionem. Cum dilectis filiis, fratribus hospitalis sancte Marie Theotonicorum Ierosolimitani, a sede aposto- lica sit indultum, ut eorum fratribus post factam in eorum domo professionem sine ipsorum licencia non liceat discedere ab eadem; per apostolica vobis scripta mandamus, quatenus eorundem fratres, quos ab ipsorum domo disce- dere contigerit licencia non obtenta, ut revertantur ad ipsam, ac illos, ad quorum consorcia se transtulerint, ut eos contra ipsorum fratrum non teneant voluntatem, singuli per suas dioceses monicione premissa per censuram eccle- siasticam appellatione postposita compellatis. Datum Rome apud sanctum Petrum xiiii kal. ianuarii pontificatus nostri anno primo. IV, 174. Originale quondam in domo Treverensi asservatum nunc Vindobonae in archivo ordinis Theutonici exstat. R. 140 inter Treverensia; — „a. 1 Treviris" A. 16 p. 118.