Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, archidiaconis, decanis, et aliis ecclesiarum prelatis, ad quos littere iste pervenerint, salutem et apo- stolicam benedictionem. Decet pastoralis sollicitudinem dignitatis, pravas et enormes iniquitates evellere et vicia, que periculum pariunt animarum, ra

dicitus amputare. Detestandum siquidem facinus et plurimum abhorrendum per diversas mundi partes accepimus pullulare, quod quidam avaricie amore cecati pocius quam zelo religionis accensi nigras cruces, quas fratres ho- spitalis sancte Marie Theotonicorum Ierosolimitani deferunt, sibi imponere et eas portare minime verentur, ut sic possint sub tali velamento elemosinas pauperibus deputatas colligere et sibi animarum perniciem generare. Quo- circa universitati vestre1 per apostolica scripta mandamus, quatenus eos, qui crucem nigram portandam assumunt aut signum, quod dictorum fratrum ho- mines deferunt et oblati, cum non sint de professione ac collegio ipsorum fratrum, omni cum districtione compellere studeatis, ut a tanta stulticia et errore de- sistant et crucem aut dictum signum nulla racione ulterius deferre presumant. Si quis vero a vobis commonitus a sua noluerit temeritate cessare, in eum ecclesiastice animadversionis gladium auctoritate nostra, omni occasione et ap- pellatione postpositis, exeratis. Datum Laterani xii kal. februarii pontificatus nostri anno quinto.

Sinc dato: II, 96v. n. 23; A. 20 n. 23 Latine et Germanice cum nota in Mergentheim etc. D. 22. — Cum dato: Laterani xii kal. febr. p. n. a. 5. I, 66; IV, 187 n. 17; R. 68 inter Mergenthe- mensia n. 12. Or. cum bulla in filis sericeis appendente, quod quondam Mergenthemi fuit, nunc Vindobonae in archivo ordini Theutonici asservatur. — Cum dato: Laterani xii kal. febr. p. n. a. 6 (num error sit, dubitari potcst) edidit Duellius in appcndice 7 n. 5. 1. vobis A. 20.