Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, decanis, archi- diaconis et aliis ecclesiarum prelatis, ad quos littere iste pervenerint, salutem et apostolicam benedictionem. Religiosos viros, fratres hospitalis domus sancte Marie Theutonicorum Ierosolimitani, pro religione et honestate sua tanto propen- sius a malignorum incursibus protegere volumus et tueri, quanto puriorem devo

cionem circa nos et Romanam ecclesiam exhibere noscuntur. Inde est, quod vobis per apostolica scripta precipiendo mandamus, quatinus universis parro- chianis vestris sub interminatione anathematis prohibere curetis, ne a prefatis fratribus vel eorum hominibus de victualibus, vestimentis, pecudibus seu de aliis rebus eorundem fratrum usibus deputatis caucagium seu aliquamlibet consuetudinem exigere vel extorquere presumant. Si qui autem contra prohi- bitionem nostram venire presumpserint, eos a presumptione sua non differatis per excommunicationis sententiam cohercere,' et in terris eorum, si quas habent, omnia divina preter baptisma parvulorum et penitentias morientium prohi- beatis officia celebrari. Ad hec, quia, sicut predicti fratres asserunt, quidam presbiteri et alii clerici vestre iurisdictionis in ecclesiis illis, que pro ex- cessibus in domum predictorum fratrum commissis sub interdicto tenentur, ddvina celebrare presumunt, eos, si res ita se habet, a sue presumptionis audacia per suspensionis et excommunicationis sententiam compescatis. Datum Laterani xv kal. februarii pontificatus nostri anno quinto.

Sinedato: 1,75; 11,112 n. 71; D.71; A. 20 n. 69 Latine et Germanice cum nota: „Gre- gorius in Merginthey m; Allexander in Maguncia et Confluentia" (vcrsio exit: „zcu Mentz und Colne"). — Cum dato: Laterani xv kal. febr. p. n. a. 5 ex originali archivi quondam Confluentinae domus nunc ordinis Theutonici Yindobonensis, cui filis sericeis appendet bulla, ed. Hennes I, 55 n. 51. A. 16 p.74 „Colonie\