In nomine patris et filii et spiritus sancti. Amen. Notum sit omnibus tam presentibus quam futuris, quod ego Iacobus de Amigdalia pro me et meis heredibus de bona et gratuita voluntate dono et concedo fratri Henrico de Honloch venerabili magistro domus hospitalis sancte Marie Theotonicorum et fratribus eiusdem domus et eorum successoribus pro domo eorum predicta par- tem meam videlicet medietatem Maronis et omnium pertinentiarum suarum in excambium seu perpetuam locationem pro duobus milibus et quingentis bisan- tiis sarracenatis, quos debemus recipere ego et heredes mei libere et absque nllo servicio in Accon vel in castro, quod dicitur Montfort, annuatim de the- sauro domus predicte, de tribus scilicet in tres menses secentos et viginti quin- que bisantios Sarracenatos ad pondus Accon tali conditione, quod, si predicta domus differret per sex menses et viginti dies solvere mihi et heredibus meis predictos bisantios, ipsa domus tenetur mihi et meis heredibus dare mille bi- santios pro pena ultra bisantios illis sex mensibus mihi et meis heredibus persolvendos. Si autem per annum integrum et viginti dies differret dicta domus solvere mihi et meis heredibus bisantios antedictos et mille bisantios pene supradicte, ego et heredes mei poterimus licite intrare in possessionem medietatis Maronis et omnium pertinenciarum suarum tanquam in hereditatem meam absque omni impedimento et contradictione supradicto excambio seu perpetua locatione1 penitus anichilata; et alia medietas Maronis cum omnibus pertinentiis suis erit mihi et meis heredibus obligata iure pignoris pro bisan- ciis, quos per annum predictum debuimus recipere ego et heredes mei a dicta domo ratione excambii seu locationis perpetue antedicte, et pro mille bisantiis pene superius memorate, quam debemus tenere ego et heredes mei, donec per- cepimus de proventibus ipsius medietatis supradictos bisantios excambii scilicet pene vel aliter nobis a dicta domo de ipsis bisanciis fuerit satisfactum; quibus habitis vel perceptis dicta medietas ad dictam domum revertetur, et, si aliquis vellet nos impedire, quod non possemus supradicta facere, curia regia debet nos iuvare ad faciendum supradicta et omnem vim ammovere. Si autem me- dietas mea Maronis ad me et ad heredes meos revenerit, ego et heredes mei debemus facere dicte domui medietatem servicii, quod debetur pro Marone et pertinenciis suis. Si vero dicta domus per guerram sive alio modo absque culpa sua amiserit terram Maronis vel in parte vel in toto, fiet diminutio duo- rum milium et quingentorum bisantiorum supradictorum iuxta quantitatem medietatis3 terre amisse, iudicio et arbitrio communi amicorum tota terra Ma- ronis et pertinentiarum suarum ad valorem quinque milium bisantiorum exti- mata. Ad cuius rei memoriam ego predictus Iacobus presens scriptum inde eis fieri feci sigillo meo plumbeo pendenti et testimonio infra scriptorum vi- rorum munimine roboratum. Huius autem rei testes sunt Conradus de Nasso, magnus preceptor; Guernerius de Mereberch, mareschalcus; Gunterius, com- mendator Apulie; Iohannes de Nifland, castellanus Montis fortis; Conradus,

hospitalarius; Ludowicus drapperius; Henricus de Diling, et Symon de Huasi, fratres de dicta domo hospitali Theotonicorum; Balduinus de Pinkin, Stepha- nus de Sawani, Raulus Alemannus, milites, et Philippus de Baduin. Actum apud Accon in palatio dicti magistri anno dominice incarnationis m° cc° xliiii° indictione ii* nonas iulii.

m, 167. „Item aliud privilegium rescriptum super emptionem Maronis". 1. locatio B. 2. medietatem B.