Ich Proczk von Wolffenberch . . Jch Wilhelm, vnd ich Stephan, die Mawttner von Chatzenperg, Bechennen —, Daz wir den Edeln Hochgeborn fu^ersten vnsern lieben gena^edigen Herren Herren Otten. von Gotez genaden dez Heyligen Römyschen Reichs Erczkamrer ku^erfu^erst Pfallenczgraf bey Rein vnd Herczog zu Beyern . . vnd auch Herren Stephan Herren Fridreich. vnd Herren Johansen gebrüdern auch von Gotez genaden Pfallenczgrafen bei Rein vnd Herczogen zu Beyern Chauflich zu chauffen haben geben, allez daz Güt vnd erb, daz vnz vnser lieb O^ehaim Her Sweikker der Tuschel, dem Got genad, geschäft hat, vnd daz vns von Jm/e an ge erbt hat, vnd waz wir durch recht allez. an der Hab gehabt haben, ez sein vest, erb oder aigen, Lehenschaft oder Manschaft. Law^et vnd güt, alz ez allez an dem brief benent ist. Bey dem ersten die vest zu Säldenäw . . mit allem irem zugehörn, —, alz ez vnser lieber O^ehaim Her Sweikker der Tu^eschel säliger selben Jnn gehabt hat, auzgenomen waz er an seiner sel, vnd andern lau^eten verseczt vnd geschaft hat. nach dez geschäftz briefs sag, den Her Sweikker der Tuschel selben geben vnd gemacht hat. Dar zu haben wir in geben die Vest ze Perkchaim mit allem zügehörn, —, in aller der mazz, alz vmb Säldenaw^e oben verschriben stet. Dar zu haben wir in auch geben die Vest zu Pering mit allem zu geho^ern, — Jn aller der mazz, alz auch vmb Säldenaw vnd vmb Perkhaim vor geschriben stet. Dar zu haben wir in auch geben, daz vns Enhalb der Tu^enaw geschaft ist worden, —. Dar zu haben wir in auch geben alle die Manschaft vnd Lehenschaft, die vnz der vorgenant Her Sweikker der Tu^oschel seliger lazzen vnd geschaft hat, vnd die wir in durch recht geben süllen vnd alle aigenläut, wie die genant sind, die Her Sweikker der Tuschel seliger hinder ime lazzen hat, vnd die in angeho^ert habent. dar zu haben wir in auch geben, daz Haws vnd den Hof zu Pazzaw mit allem zu^ogehörn, auzgenomen, waz der Tuschel geschaft hat gen Pazzaw, —, vmb zwelf Hun¬dert pfunt Regenspurger pfenning, der si vnz Sechs Hundert pfunt pfenning gar vnd gancz verricht habent —. die andern Sechs Hundert pfunt Regenspurger pfenning sullen si vnz noch richten nu von Liechtmezz die schi^erst cho^ement v^eber ein gantzes Jar nach der brief lawt vnd sag, die wir von vnsern obgenanten Herren, dar vmb haben. —. Mit vrchu^end dez briefs, den wir vnsern egenanten Herren vnd fürsten geben mit vnsern aigen Jnsigel versigelten Vnd dar zu zu einer pezzern gedächtnu^ezz vnd sicherhait, so legt Her Jörg der Ahaimer von Ried sein Jnsigel auch an den brief durch vnser vleizzig gepet willen, ime vnd seinen erben an allen schaden. Der gepet vmb dez Ahaimer Jnsigl sind zeugen Her Hanns von Abensperch vnd Her Jörg der Waldekker Vicztu^om ze Beyern. Datum Anno domini Millesimo. CCCo. Septuagesimo Octauo. an sand Thomas des Heiligen Zwelf boten.

Source Fulltext: OÖUB 9 (Wien 1906), S. 543-544