Hie zu mercken die zaichen der valschen guldin im niderlandt gemacht vnd etlich munczer zu gottingen in sachsen vnd in andern steten verprant vnd auf vier tunnen golds von ian gemunczt sindt ||
Item die guldin mit ainem apfel an ainer seitten vnd sand iohanns auf der andern seiten mit ainem schilt mit ainem leben sindt valsch ||
Item die guldin mit ainem apfel auf ainer seitten vnd ain chron mit ainem stern auf der andern seitten zwischen den fussen auf franckfurtter schlag sein valsch ||
Item die guldin mit ainem apfel auf ainer seitten vnd sant peter mit ainem steren an der prust auf der andern seiten do solt sten sant johanns auf den hamburger schalg sind falsch ||
Item die guldin auff der vier hernn schleg mit ainem w das do stet oben an dem menezer rad sint falsch ||
Item die guldin mit ainem biscof mit ainem grossen schrlt vnd oben an dem haupt ain b mit ainem duttel auf den kolnischen schlag sindt valsch ||
Der vorgenanten guldin ist ainer nit pesser dan funf weyszpfennig vnd ist der raif umbher ains halben halms dick vergult vnd das corpus gantz kupferin vnd vbergult und so hart gemuntzt unde gesotten das man weder am klang noch am strich erkennen mag