Ich Perchtolt der Cholbech veriech fuer mich vnd fuer all mein erben offenleich mit disem brief allen den di in sehent oder hoerent lesen, daz ich gar vnd gantzleich verriebt, vertaydingt vnd verschayden pin auf ein gancz end mit dem erbaergen herren dem techant vnd mit dem capitel ze Freysing vmb allen den schaden den ich genomen han von der phleg wegen ze Haberberch vnd swo ich in genomen han von bistu^oms vnd capitel wegen, also daz ich noch dhain mein erb fuerbas hmtz dem bi\estu^om vnd capitel dhain ansprach nimmermer haben sullen vnd swas ich oder mein erben vrchu^ond oder brief von in vmb den selben schaden haben; daz di fu^orbas all tot sein. Dar veber ze ainem vechu^ond gib (ich) in disen brif versigelten mit meinem anhangenten insigel vnd mit der erbaergen laeuet insigel her Fridreichs dez Sallendorfaers, her Fridreichs dez Hagaers, Haugen dez Muschelridaers vnd Weinmars dez Pfafileins di dar an hangent an schaden vnd di der selben sach taydinger vnd schiedlaut sint gewesen. Daz ist geschehen do man zalt von Kristes purt dreuzehen hundert iar, dar nach in den segs vnd virczigisten iar, dez Montags nach dem Ewenbeich tage.

Source Fulltext: ZAHN, Codex Diplomaticus (=FRA II/35, Wien 1871) S. 285-286