Nos Fridericus dei gracia dux Austrie et Styrie et dominus Carniole omnibus hanc paginam inspecturis notum fieri cupimus per presentes, quod inductu, meritis et dilectione nostri domini et amici venerabilis episcopi Frisingensis aduocaciam in Enzenstorf extraxi mus de manibus seu potestate nostri ministerialis VI. de Pilhdorf pro quingentis talentis ipsi per nos et dictum dominum nostrum Frisingensem episcopum pretextu huiusmodi integraliter persolutis, condicionibus hiis adiunctis vt in eternum nostre potestati et vsui nec non heredum nostrorum aduocacia huiusmodi sit addicta, quod vtique promisimus fide data, nobis in penam et nostris heredibus si per nos vel nostros heredes alienata fuerit statuentes, vt ex ipso facto dicta aduocacia vacare debeat ecclesie Frisingensi. Vt autem huiusmodi negocium robur obtineat perpetue firmitatis, presentem cartam iussimus sigilli nostri munimine roborari, testibus qui presentes fuerant subnotatis, comite Herinanno et comite Ottone de Ortenburch, Wernhardo de Schawenburch, Gebhardo de Tolnze, Heinrico de Prunne, Heinrico de Liehtenstein, Heinrico de Hakenberch, Ottone de Haslawe, Heinrico pincerna de Hauspach, Ottone de Missowe et aliis quam pluribus. Acta sunt hec anno domini M. CC, XLI., indictione XIII. Datum Wienne IIII. kal. Januarii.

Source Fulltext: ZAHN, Codex Diplomaticus (=FRA II/31, Wien 1870) S. 136