In nomine sancte et indiuidue trinitatis. Fridericus dei gracia Romanorum imperator augustus. Imperialem nostram decet auctoritatem, ut quecumque de ratione fieri decreuerit, litterarum noticie commendari faciat, ne cursu temporum labente facilius a memoria succedentium facta preteritorum euanescant. Vnde nouerint tam presentes quam postfuturi fideles Christi, quod cum dilecti nostri consanguinei dux videlicet Austrie Leopaldus eiusque filius Fridericus nomine omnem maiestati nostre resignasse(n)t iusticiam, quam per dominicalia Frisingensis episcopii quondam ab imperio possederant in Austria, id est marhrelit et lantgerihte et burwerch que specialiter ad usus ipsorum respiciebant tam in officio Enzinstorf et Alarn, quam etiam in Holenburch et Ebersdorf, nos ob instantem eorundem peticionem atque dilecti nobis ac venerabilis episcopi Ottonis amorem ad hoc sumus inducti, quod predictam iusticiam nobis resignatam ecclesie beate Virginis sanctique Corbiniani Frisinge donacione regali tradidimus, proinde sperantes premio nos eterne beatitudinis in futuro remunerari. Vt autem hec nostra traditio sine retractatione stabilis et inconuulsa omni permaneat euo, hanc inde paginam conscribi ac inpressionis nostre sigillo iussimus insigniri cum testibus subnotatis quorum hec sunt nomina, Otto Babenbergensis episcopus, Theobaldus Patauiensis episcopus, Heinricus Babenbergiensis prepositus, Bertoldus dux Dalmacie, Chunradus comes de Pilstein, Albertus comes de Bogen, Otto comes de Veleburch, Chunradus burchrauius de Nu^erenberch, Otto Ratisponensis aduocatus, Heinricus de Altendorf, Chraft de Amcinesbach, de choro Frisingensi Chunradus Felix puer, Ortolfus Iticinensis prepositus, de ministerialibus ecclesie Frisingensis Heinricus Felix puer, Gerwicus de Pubenhusen, Otto de Waldekke, Fridericus de Pastperch, Vlricus Vertinch, Albanus de Elhpach, de ministerialibus ducis Austrie Wichardus de Seuelde, Hatmarus de Chunringen, Liutwinus de Sunnenberch, Rudolfus Stubich. Ego Johannes imperialis aule cancellarius in vice domini Chunradi Maguntini archiepiscopi Germanie archicancellarii recognoui. Actum anno dominice incarnationis M. C. LXXXVII1I., regnante domino Friderico Romanorum imperatore semper augusto anno regni XXXVIII., imperii vero XXXVI. Datum Wienne XV. kal. Junii, indictione VII. feliciter amen.

Source Fulltext: ZAHN, Codex Diplomaticus (=FRA II/31, Wien 1870) S. 121-122