Eugenius, episcopus, servus servorum Dei, dilecto filio Willelmo abbati de Fonteneto , salutem et apostolicam benedictionem. Quantum necessarium sit monasteriorum quieti prospicere et de eorum utilitate sollicite cogitare, anteactum officium, quod in abbatie regimine gessimus, nos instruit et informat. Ideo nos paci et tranquillitati ecclesie tue paterna1 sollicitudine providere volentes, donum quod ei Rainaldus dominus Rubei Montis in presentia nostra pia mentis devotione concessit scilicet, quod quicquid milites sui de feodis que ab eo possidebant, ipsi conferrent, id eadem ecclesia futuris temporibus justis titulis possideret, auctoritate apostolica confirmamus et ratam manere censemus. Datum apud Claram Vallem vi° kl. maii.