Ego M.1, archidiaconus Flaviniacensis , omnibus presentem paginam inspecturis notum facimus quod cum causa verteretur inter ecclesiam beate Marie de Fonteneto et Lambertum capellanum de Fano super tercia parte decime de Fano quam dicta ecclesia in elemosinam possidebat a Comitissa, filia Odonis militis de Marmania , et ab Odone marito suo receptis ab utraque parte probationibus nobis indubitanter constitit quod prefata ecclesie Fonteneti terciam partem habebat de omnibus decimis de Fano tam magnis quam minutis et in annatiis et preterea tractum totius decime et grangiatum et capellanus ecclesie Fani debet habere de communi totius decime unam minam frumenti in vigilia sancti ipsius ville ad procurationem clericorum qui veniunt ad festum. Quod ut ratum et firmum in posterum habeatur ad preces utriusque partis sigillo nostro fecimus roborari. Actum anno gratie m° cc° xii°.