Sciant presentes et futuri quod ego Sarra filia et una heredum domini Gilberti Dyne de Gestyngthorp in pura viduitate mea et legittima potestate dedi concessi et hac presenti carta mea confirmavi Iohanne filie mee heredibus suis sive assignatis unam peciam terre mee iacentem in quodam campo vocato Newelond in parochia de Hengham Castri in latitudine inter terras Roberti wal per utramque partem et in longitudine inter mesuagium Roberti Coppyng et terram Thome le hyne custumariam domini comitis Oxon[ie] habend et tenend predictam terram cum liberis ingressibus et egressibus et cum omnibus aliis pertinentiis ad predictam terram spectantibus predictis Iohanne heredibus suis sive assignatis de capitalibus dominis feodi per servicia inde de iure debita et consueta libere quiete bene in pace et hereditate in perpetuum Et ego predicta Sarra et heredes mei sive assignati predictam peciam terre cum pertinentiis dictis Iohanne heredibus suis sive assignatis warantizabimus plenarie et defendemus contra omnes gentes in perpetuum In cuius rei testimonium presenti carte sigillum meum apposui die dominica proxima post festum sancti Martini anno regni regis Edwardi [tercii post conquestum] quinto Hiis testibus Rogero de Abbotteston Iohanne scissore Roberto wal Willelmo page Iohanne Robyn Thoma ward et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.