Extenta terrarum et tenementorum que fuerunt Templariorum in Hakeneye in comitatu Midd[elsexe] facta coram Roberto de Notyngham barone de scaccario domini regis et Willelmo de Novo Castro apud Hakeney die iovis proximo post festum sancti Gregorii pape anno regni regis Edwardi tercii post conquestum quinto per Iohannem Monden[] Willelmum le taillour Iohannem Tewe Willelmum Freman Edmundum Trentemars Iohannem May Iohannem Child[] Thomam Mantell[] Simonem Horn[] Robertum Baylou[] Rogerum le baker et Iohannem Newerk[] qui dicunt super sacramentum suum quod Tempularii habuerunt in Hakeney anno primo regis Edwardi patris regis nunc redditus assise de diversis tenementis ibidem tam de liberis tenentibus quam nativis usque ad summam 6 li et 20 d Item habuerunt ibidem 35 acras et dimidia prati precio cuiuslibet acre per annum 40 d Summa 118 s 4 d Item habuerunt ibidem opera nativorum qui quolibet anno debent falcare 12 acras prati et falcacio cuiuslibet acre valet 7 d Summa 7 s Item placita et perquis[ita] curie ibidem valent per annum dimidia marca Item habuerunt ibidem unum molendinum aquaticum quod valet per annum libere salvo reprisa 26 s 8 d Item dicunt quod dicti Templarii habuerunt super aquam de Leygh[e] aliud molendinum aquaticum contiguum dicto molendino in Hakeneye et sub uno et eodem tecto tamen est in villa de Leyghton[e] in comitatu Essex[e] et valet per annum libere 26 s 8 d Item habuerunt in Leyghton[e] 4 acras prati precio acre 3 s per annum et 5 acras pasture precio acre 12 d per annum Et dicunt quod omnes illi qui tenementa Templariorum in Hakeneye tenuerunt ad firmam de rege habuerunt et tenuerunt tam predicta molendina pratum et pasturam in Leyghton[e] quam dicta tenementa in Hakeneye colore commissionum suarum In cuius rei testimonium presentibus predicti iuratores sigilla sua apposuerunt Datum die et loco supradictis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.