Pateat [...] Henricus de Percy filius et heres domini Henrici de Percy domini de Alnewyk cartam nobilis viri domini Johannis de Vescy et confirmacionem domini willelmi de Vescy fratris sui inspexi et examinavi quas Fratres Ordinis Beate Marie de Monte Carmeli[] habent detenementis et redditu in Alnewyk tenorem continentes infrascriptum Sciant universi [...] Willelmus de Vescy frater et heres domini Johannis de Vescy cartam ejusdem [...] inspexi in Hec verba omnibus [...] Johannes de Vescy [...] concessisse [...] pro salute anime mee [...] Fratribus Ordinis Beate Marie de Monte Carmeli in foresta mea de Alnewyk [...] totam aream suam que vocatur Holne cum oratorio et edificiis in eadem constructis seu construendis sicut in longitudine et latitudine clausura per rectas divisas suas circumquaque jacet munita quam dominus Willelmus de Vescy quondam pater meus ipsos primo inhabitare promisit et possessionaliter ibidem instituit habend de me [...] in puram [...] elemosinam cum libero introitu vectura et exitu sibi et suis et aliis causa devocionis loco suo venientibus per omnes vias et semitas antiquitus usitatas in foresta circumquaque tendentes ad villas propinquas seu remotas sibi necessarias et oportunas quandocunque indiguerint et voluerint exceptis clausis meis adeo libere [...] sicut aliqua elemosina in regno Anglie [...] aliquibus datur [...] et possidetur Volo eciam et concedo [...] eisdem fratribus quod capiant in eadem foresta meremium per visum et liberacionem ad edificia sua construenda et eciam ligna vetera in [dom]ibus suis comburenda et ad calcem exterius coquendam et ad carbones comburendos in ecclesia sua tempore yemali necessarios prout eorum necessitas expostulaverit Et similiter liberetur eis semel per duos annos extra clausa meremium ad unam carram cum hiis que ad carram pertinent et ad omnia utensilia construenda in domibus suis necessaria Habebunt eciam infra clausa [circulos] ad vasa sua et virgas ad tractus predicte carre per visum forestariorum Habeant eciam predicti fratres specialiter pro ipsis sive [laicis] secum ducendis chiminagium directum per medium parcum per Hilburhalgh transeundo ad palicium per unam scalam [trium] passuum ita quod si non possint per Hilburhalgh propter inundacionem aque transire libere possint ex alia parte aque de [aln]e transire sicut solebant Habeant eciam iidem fratres liberam piscariam ad pisces capiendos in aqua de Alne tam infra parcum quam extra et liberum lapifodium ad petras frangendas extrahendas et domui sue vehendas cum libera porta exeundi ad eadem loca et redeundi Habeant eciam unum molendinum super aream suam constructum in quo bladum suum sine multura libere faciant molere et cursum aque in magnam aquam de Alne ad illud molendinum defluentem per illam fossam quam dicti fratres ad hoc in foresta foderunt una cum stagno ad cursum aquaticum recipiendum per ipsos preparato et incluso ita tamen quod molendinarii ipsorum fratrum sacramentum ballivis nostris prestent annuatim quod aliquem forinsecum ad bladum ibidem molendum minime admittant Et [habeant] in predictis foresta et parco libere pascua animalibus sibi deputatis necessaria videlicet sex bobus duobus equis et duobus asinis ita scilicet quod predicta animalia custodiantur et teneantur per certum custodem inter aquam de Alne et costeram parci borialem in longitudine de gardino [ipsorum] fratrum versus occidentem usque ad stagnum Volo eciam quod predicti fratres habeant omnes apes silvestres cum fructibus suis melle scilicet et cera in Walsowe et in Holne tam in parco quam in foresta inventas ad perpetuam sustentacionem luminis sue ecclesie Et ne super dictarum apum loca mellis et cere capcione seu collectione dictis fratribus aliqua fiat" defraudacio seu alienacio volo quod principalis forestarius [ceteros] forestarios et pastores ejusdem parci et foreste firmiter et districte annuatim moneat et percipiat [sacramentum] de eis accipiendo ut omnia ipsarum apum loca in predictis foresta et parco inventa tam inveniendo quam in adquirendo ad eorundem fratrum profectum sine omni dolo contradictione et inpedimento sint soliciti et fideles Insuper concedo quod dicti fratres ad sui sustentacionem in burgo meo de Alnemouth annuatim libere possint emere lastam allecis eodem foro sicut et burgenses emunt sine omni inpedimento vel contradictione ballivorum vel eciam burgensium tempore scilicet capcionis allecis quando eis melius videbitur expedire et alios pisces [prout] eorum necessitas expostulaverit ad eorum sustentacionem et omnia alia venalia quecunque in burgo predicto inventa fuerint quibus dicti fratres indiguerint et hoc quando eis videbitur expedire melius Habeant eciam predicti fratres annuatim in coningera nostra de Houghton [unam] trussam de bent ad Pascha et aliam trussam ad Assumpcionem Beate Marie Habeant eciam annuatim ter in parco nostro cirpos ad juncuram [domorum] suarum videlicet qualibet vice quatuor fesiculos ita quod si cirpi in clauso eorundem fratrum inter domum suam et aquam de Alne crescentes ad predictos fesiculos non sufficiant id quod defuerit capiant in parco nostro ultra Alne per visum forestariorum et quod habeant in [foresta] nostra de Holne forinseca bis in anno videlicet qualibet vice quatuor fesiculos Habeant eciam annuatim in longitudine de [loken]fenburn infra defensum nostrum duodecim carratas spartarum ad cooperturam tunc domorum suarum [...] Hiis testibus domino Thoma tunc abbate de Alnewyk dominis Roberto de Hilton Waltero de Huntercumbe Radulfo filio Rogeri Waltero de Cambhoue Johanne de Widerengton Willelmo de Midelton militibus Johanne de Midelton clerico Philippo de Brokesfeld Johanne Hering Roberto Hering et aliis Quam quidem cartam [...] dictis fratribus [...] confirmo [...] Hiis testibus dominis Ada de Welles et Thoma de Arecy militibus Willelmo de Barneby rectore ecclesie de Wyerum domino Willelmo Baldewyne priore de Malton domino Willelmo de Bolington rectore ecclesie de Northferiby domino Thoma de Neusom capellano meo et aliis Data apud Tughall xvi die mensis Junii anno Domini millesimo ducentesimo nonagesimo quinto

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.