Sciant presentes et futuri quod ego Thomas filius Thome de Ferariis dedi concessi et hac presenti carta mea confirmavi Roberto filio Galfridi de Holewey unam placeam terre in campo del Lee jacentem inter terram predicti Roberti ex una parte et le Sparth ex altera parte pro homagio suo Tenendam et habend predicto Roberto et heredibus suis vel suis assignatis totam predictam placeam terre prout jacet in tota longitudine sua et latitudine inter metas et divisas prenominatas cum omnibus pertinenciis suis in feudo libere quiete pacifice et in hereditate Reddendo inde annuatim mihi et heredibus vel meis assignatis unum florem rosarum ad nativitatem beati Johannis Baptiste pro omnibus secularibus serviciis sectis exaccionibus et demandis Ego vero predictus Thomas et heredes mei vel mei assignati predictam placeam terre cum omnibus pertinenciis predicto Roberto et heredibus suis vel suis assignatis contra omnes gentes warantizabimus adquietabimus et imperpetuum defendemus In cujus rei testimonium huic presenti scripto sigillum meum apposui Hiis testibus Alexandro del Lee Waltero de Whetcroft[] Johanne de Chestreshire Nicholao filio Henrici servientis Henrico de Kodinton[] et aliis Datum apud le Lee die veneris proxima post festum Sancti a[u]gustini anno domini millesimo cc non[a]gesimo quinto

Source Fulltext: The Cartulary of the Wakebridge Chantries at Crich. A. Saltman. Derbyshire Archaeological Society Record Series, V.6. Derbyshire Archaeological Society. Derby. 1976.