Omnibus Cristi fidelibus has literas visuris vel audituris R Abbas sancte Marie et H decanus ecclesie Eboracensis et Robertus de Perci Symon de Hal tunc vicecomes Eboraci Nicholaus Basset Willelmus constabularius Marmeducus de Tweng Adam de Driffeld et Oliverus de Brincla milites et Robertus de Lelay clericus salutem sciatis quod anno incarnacionis Domini m cc nonodecimo die Sancti Bartholomei apostoli J tunc abbas de fontibus et Ricardus de Perci ex una parte et Willelmus de Perci ex altera supposuerunt se fide media standi arbitrio nostro sub pena eciam xl marcarum de omnibus querelis et contencionibus inter eos hincinde habitis usque ad diem illum Nos vero auditis ab utroque parte propositis et diligencius et fideliter hincinde examinatis ut subscriptum est arbitrati sumus in hunc modum In primis scilicet quod licet predictus Ricardus de Perci cepisset tempore werre firmam dicti abbatis de Fontibus deBalderby dicto Willelmo de Perci postmodum venienti tempore pacis nichilominus licuit firmam suam inde capere ita quod dictus abbas de Fontibus habeat semper pasturam suam de Gyup [...] et de Dernebroc cum omnibus pertinenciis suis et aysiamentis quietam et liberam deeschapio et de omnibus summonicionibus placitis vexacionibus et de omnibus occasionibus predicti Willelmi de Perci et omnium servientum et forestariorum suorum prout carta comitisse Matildis quam idem abbas inde habet testatur scilicet de feris salvagiis si predictus abbas credat se jus aliquod habere in illis secundum legem et regni consuetudinem cum voluerit processu temporis sibi illud perquirat Item quod dampnum ejusdem abbatis de equis captis taxatum fuit ad cs de quibus dictus Willelmus de Perci ei respondebit Item quod de fratre de Fontibus verberato tres homines inde rettati jurabunt quod hoc non fecerunt in contemptum Ricardi de Perci si idem Ricardus voluerit et insuper sancta ecclesia de eisdem tribus quod suum fuit executa est Item quod oves dicti abbatis de cetero non capientur a Willelmo de Perci vel suis contra tenorem carte domini regis quam inde habet Nunc restat de querelis Ricardi de Perci In primis quod xxiiijor eque cum sequela de quibus contencio fuit in comitatu Eboraci inter Ricardum de Perci et Willelmum de Perci dividantur per equales partes per visum legalium hominum et postmodum utrique eorum medietas se contingens prout sors dederit tribuatur Item quod huntagium de Bukeden commune sit eisdem Ricardo et Willelmo sicut commune fuit comitisse Matildi et Agneti sorori sue Et si qua domus rustici ibi fuerit prosternatur et amoveatur Item quod de communa chascie in Craven stet ita de cetero sicut continetur in cyrographo inter dictos Ricardum et Willelmum de Perci inde confecto et licebit eidem Ricardo venire vel mittere homines suos ad venandum in foresta illa cum voluerit ad opus proprium Licebit eciam ei dare unam feram vel duas ibi quando et cui voluerit sine destruccione illius foreste Hoc idem per omnia licebit dicto Willelmo facere cum voluerit in eadem foresta Item quod viij solidi annui quos Rogerus Arundel reddere solebat Sibille de Valiniis sint in veredicto illorum viij militum qui dicere debent veredictum de prato de Nafferton Utrum ipse Ricardus illos debebat habere an predictus Willelmus et ipsi Ricardus et Willelmus veredicto eorundem militum super hoc sine contradiccione stabunt Item quod custodia terre et heredis Willelmi de Ruddestan in Roston quam Gaufridus de Toregni tenet remaneat predicto Ricardo de Percy Item quod de liberis hominibus inter eosdem Ricardum et Willelmum partitis nullus eorum homines alterius vexet sub pena subscripta Item quod servicium Willelmi Foliot remaneat Willelmo de Perci Item quod idem Willelmus de Perci non vexet Willelmum Vavasorem de tenemento quod ipse tenet de Symone de Kima Item de ecclesia deGikleswik quod Willelmus de Percy non erit in auxilio vel forcia ad auferendum aliquid clerico Ricardi de Perci quod inde habere debeat contra convencionem factam in curia domini regis Item de xl solidis de fine comitatus de baronia integra dePerci quod Ricardus de Perci dabit decetero xx solidos et Willelmus de Perci alios xx solidos Item de quodam equo Walteri de Catton quod Willelmus de Perci restaurabit inde eidem Waltero tres marcas Item quod idem Willelmus reddet Roberto de Perci duas marcas de escutagio quod cepit in Kernetteby Nunc restat de querelis Willelmi de Perci In primis de xvj libris et xvj denariis exactis a Ricardo de Perci pro dampnis ab eo factis in Craven Willelmo de Perci ante concordiam inter eos factam quod exigi non debent neque solvi Item quod de placitis foreste de Craven inpedivit Ricardum de Perci per valenciam x solidorum reddantur illi x solidi Willelmo de Perci et decetero teneantur placita inde per prementes utrorumque et dimidiantur adquisita inter eos Item de xx libris et xl quarteriis avene exactis a dicto Ricardo pro dampnis factis predicto Willelmo ante concordiam inter eos factam quod exigi non debent neque solvi Item de dampnis inter eosdem Ricardum et Willelmum hinc inde habitis post concordiam inter eos factam quia eque fere ponderant dampna quod ab utraque parte adinvicem relaxentur Item quod de contencionibus de Reniton inter eos habitis uterque eorum diligentem et fidelem apponet curam ut judicium inde in curia domini regis sine dilacione procedat ad diem eisdem ad hoc statutum et si per alterutrum eorum impediatur quominus judicium illud die illo procedat ille per quem inpeditum fuerit dabit alteri xx marcas in pena illius impedimenti Demum statuimus arbitrando ut predicti Ricardus et Willelmus de Perci cujuslibet fori privilegio renunciantes subjiciant se perpetue jurisdiccioni abbatis Sancte Marie et decani ecclesie Eboracensis qui pro tempore fuerint ita quod si aliquando et quociens contigerit dictum Ricardum de Perci vel homines suos gravamen vel dampnum aliquod dignum emendacione predicto Willelmo de Perci vel hominibus suis inferre et e contrario si aliquando et quociens contigerit prefatum Willelmum vel homines suos predicto Ricardo vel hominibus suis gravamen aliquod vel dampnum emendacione dignum inferre hoc per consideracionem quatuor legalium hominum de visneto in quo id fieri acciderit de assensu predictorum abbatis et decani eligendorum debet competencius emendari secundum quantitatem delicti passo vel passis injuriam infra xl dies post commissum delictum Quod si predictus Ricardus vel predictus Willelmus delictum proprium infra dictum terminum xl dierum renuerit taliter emendare licebit extunc prefatis abbati et decano corpus delinquentis et sic emendare nolentis appellacione remota subponere interdicto et a divinis omnibus segregare quousque id plene et competenter emendaverit secundum consideracionem quatuor hominum ob id considerandum electorum Et insuper dabit ipse delinquens xx marcas argenti de pena dictis abbati et decano per manus eorundem pauperibus et pauperum domibus prout viderint salubrius errogandas Item ut senescalli dictorum Ricardi et Willelmi qui pro tempore fuerint subjiciantur eodem modo jurisdiccioni supradictorum abbatis et decani ita quod si alter eorum alteri vel hominibus dominorum suorum dampnum intulerit simili modo predicto a dictis abbati et decano ad dignam coherciantur emendacionem quociens opus fuerit hoc excepto quod oportebit ipsos senescallos delicta propria infra tres septimanas post commissa delicta emendare prout superius dictum est quod si facere noluerint subibunt formam cohercionis prescriptam hoc excepto quod non dabunt de pena nisi tres marcas Et ut hoc scriptum perpetuam optineat firmitatem illud sigillorum nostrorum apposicione una cum sigillis dictorum Ricardi et Willelmi eidem scripto ad invicem appositis coroboravimus

Source Fulltext: Percy Cartulary. M. T. Martin. Surtees Society, V.117. Surtees Society. Andrews & Co. Durham. 1911.