Willelmus de Mongomery dilectis sibi Roberto de Mulneton[] et heredibus suis salutem Quia pro salute anime mee et omnium antecessorum et successorum meorum dedi pro me et heredibus meis deo et ecclesie beate Marie Tutt[] et monachis ibidem deo servientibus et eorum successoribus inperpetuum in liberam puram et perpetuam elemosinam duas marcas et novem denarios annui redditus et ducentas anguillas competentes similiter per annum scilicet medietatem de schaft heel et aliam medietatem de stike heel in quo redditu denariorum et anguillarum michi et heredibus meis tenebamini per annum pro molendino de Mulneton[] et feodo ad illud pertinens mando vobis pro me et heredibus meis quatinus sitis de cetero intendentes eisdem monachis et eorum successoribus inperpetuum de predicto redditu denariorum et anguillarum salvis michi et heredibus meis aliis serviciis vestris de vobis et heredibus vestris in homagiis releviis wardis eschaetis et omnibus aliis serviciis preter predictum redditum denariorum et anguillarum predictis monachis datum a nobis et concessum et eorum successoribus inperpetuum In cujus rei testimonium presentibus litteris patentibus vobis et heredibus vestris confectis pro me et heredibus meis sigillum meum apposui Dat[] apud Cubbleg[] die martis proxima post festum sancti Gregorii anno domini millesimo ducentesimo quinquagesimo secundo

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.