Hec est finalis concordia facta in curia domini regis apud Notingham a die pasche in quindecim dies anno regni regis Henrici filii Johannis tricesimo sexto coram Silvestro episcopo Karl[] Rogero de Turkilby Gilberto de Preston et Adam de Hilton[] justiciis itinerantibus et aliis domini regis fidelibus tunc ibi presentibus inter Willelmum priorem de Tuttesbir[] querentem et Gilbertum de Merston[] impedientem de uno mesuagio et undecim bovatis terre cum pertinenciis in Merston[] unde placitum warantie carte summonitum fuit inter eos in eadem curia scilicet quod predictus Gilbertus recognovit dictum mesuagium et terram cum pertinenciis esse jus ipsius prioris et ecclesie sue de Tuttesbur[] ut illa que idem prior et ecclesia sua predicta habent de dono predicti Gilberti habend et tenend eidem priori et successoribus suis et ecclesie sue predicte de predicto Gilberto et heredibus suis in puram et perpetuam elemosinam liberam et quietam ab omni servicio et exaccione inperpetuum Et predictus Gilbertus et heredes sui warantizabunt et defendent predicto priori et successoribus suis et ecclesie sue predicte predictum mesuagium et terram cum pertinenciis contra omnes homines ut liberam puram elemosinam inperpetuum Et idem prior recepit predictum Gilbertum et heredes suos in singulis beneficiis et oracionibus que de cetero fient in ecclesia sua predicta inperpetuum

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.