Anno gratie m cc sexagesimo ad festum sancti Michaelis ita convenit inter dompnum Willelmum abbatem et conventum Rufford[] ex una parte et dominum Robertum filium Rolandi de Suttona ex altera videlicet quod predicti abbas et conventus dederunt concesserunt et presenti scripto confirmaverunt predicto Roberto et heredibus suis vel assignatis totam terram et boschum jacentes inter Le Redegate et divisas factas ex aquilonali parte eiusdem boschi per visum et assensum utriusque partis in principio istius convencionis et extendunt se versus orientem usque ad boschum de Egrum et versus occidentem usque ad quasdam divisas ibidem tam per predictos abbatem et conventum quam per prefatum Robertum similiter factas ita scilicet quod dicti abbas et conventus non impediantur terram suam arabilem ex occidentali parte earumdem divisarum jacentem arare et colere sicut antea consueverunt tenend et habend predicto Roberto et heredibus suis vel assignatis libere quiete et pacifice ab omni terreno servicio consuetudine et demanda ita quod liceat eis predictam terram cum predicto bosco claudere fossare et omnimodum commodum suum facere prout sibi melius viderint expedire sine impedimento et contradictione predictorum abbatis et conventus et sepedicti abbas et conventus predictos boscum et terram sepedicto Roberto et heredibus suis vel assignatis suis contra omnes gentes warantizabunt aquietabunt et deffendent inperpetuum Pro hac autem donacione concessione et presentis scripti confirmacione predictus Robertus de Sutton dedit Deo et beate Marie et predictis abbati et conventui de Rufford[] octo acras terre arabilis in territorio de Kelum [...] Ad hoc sciendum est quod si contingat Walterum de Kelum clericum vel heredes suos racione terre de qua predictus Robertus feoffavit eundem Walterum in Kelum aliquod jus vel clamium in pretaxatis communa bosco et frutectis et terra[] exigere vel vendicare prefatus Robertus et heredes sui sepedictos abbatem et conventum et eorum successores warantizabunt deffendent et indempnes conservabunt In cuius rei testimonium presenti scripto in modum cyrografi confecto partes alternatim sigilla sua apposuerunt Hiis testibus Domino Willelmo de Sutton[] Domino Nicholao de Eyvil [] Domino Johele persona de Kelum Galfrido de Dechek Rogero de Kelsout Ada filio Henrici de Kelum et aliis

Source Fulltext: Rufford Charters. C. J. Holdsworth. Thoroton Society Record Series, V.29. Thoroton Society of Nottinghamshire. Derry & Sons. Nottingham. 1972.