Anno gratie m cc sexagesimo ad festum sancti Michaelis ita convenit inter Dominum W abbatem et conventum Rufford[] ex una parte et Dominum Robertum de Sutton[] ex altera videlicet quod predicti abbas et conventus dederunt concesserunt et presenti scripto confirmaverunt predicto Roberto et heredibus suis vel assignatis octodecim acras bosci et terre arabilis jacentes ex occidentali parte bosci de Egrum et extendunt se de Grimisdic usque Midilhou versus aquilonem tenend et habend predicto Roberto et heredibus suis vel assignatis libere quiete et pacifice ab omni terreno servitio consuetudine et demanda ita quod liceat eis pre dictum boscum cum predicta terra claudere fossare et facere omnimodum commodum suum prout sibi melius viderint expedire Et predicti abbas et conventus predictos boscum et terram sepedicto Roberto et heredibus suis vel assignatis warantizabunt aquietabunt et defendent in perpetuum Pro hac autem donacione concessione et presentis scripti confirmatione predictus Robertus de Sutton[] dedit Deo et beate Marie et predictis abbati et conventui de Rufford[] octo acras terre arabilis in territorio de Kelum quarum quinque jacent in Routheclive due scilicet inter terram Walteri Tuk et terram predictorum abbatis et conventus tres acre inter terram predicti Walteri Tuk et terram Malgeri tres vero acre in Le Broht inter terram predicti Roberti et terram Walteri Orival Concessit etiam predictus Robertus et quietaclamavit pro se et heredibus suis predictis abbati et conventui totam partem suam quam habuit vel habere potuit in communa bosci et frutectorum de Kelum herbagii et terre in qua boscus stetit tenend et habend sepedictis abbati et conventui et eorum successoribus una cum predictis octo acris libere quiete et pacifice in liberam puram et perpetuam elemosinam Et sciendum quod licebit prefatis abbati et conventui predictum boscum scilicet frutecta cum dicta communa claudere fossare et omnimodum commodum suum facere prout sibi melius viderint expedire sine contradictione prefati Roberti vel heredum suorum sive assignatorum Et prefatus Robertus et heredes sui vel assignati dictas octo acras cum communa predictorum bosci et frutectorum de Kelum herbagii et terre in qua boscus stetit predictis abbati et conventui et eorum successoribus contra omnes gentes et maxime contra Walterum de Kelum warantizabunt acquietabunt et defendent in perpetuum Et quia tempore confectionis huius scripti Willelmus filius Petri de Kelum memoratas octa acras cum communa dictorum frutectorum et pasture tanquam jus hereditarium vendicavit pre breve Domini Regis concessit prefatus Robertus pro se et heredibus suis vel assignatis quod si aliquando contigerit eundem Willelmum vel aliquem nomine suo de dictis octo acris et communa frutectis recuperare seisinam supranotate octodecim acre bosci et terre ad prefatos abbatem et conventum et successores eorum sine contradictione predicti Roberti et heredum suorum vel assignatorum revertentur ita quod licebit eis in dictas octodecim libere et pacifice ingredi non obstante aliquo brevi Domini Regis vel alio remedio juris civilis In cuius rei testimonium presenti scripto in modum cyrographi confecto partes alternatim sigilla sua apposuerunt Hiis testibus Domino Willelmo de Sutton[] Domino Nicholao de Evile Domino Joele persona de Kelum Gaufrido de Thek[] Rogero de Kelsout Ade filio Henrici de Kelum et aliis

Source Fulltext: Rufford Charters. C. J. Holdsworth. Thoroton Society Record Series, V.29. Thoroton Society of Nottinghamshire. Derry & Sons. Nottingham. 1972.