Excellentissimo domino et patrono h[enrico] Dei gratia etc sui devoti r[obertus de Wykehampton] decanus et capitulum cathedralis ecclesiae Sarum salutem et in regiae majestatis gubernaculo felicissimum incrementum Cum divina dispositio humano proposito velocior bonae memoriae venerabilem patrem aegidium quondam Sarum episcopum ab hac luce subtraxerit per cujus mortem Sarum ecclesia non sine animarum periculo vacare dinoscitur vestrae serenitati supplicamus unanimiter precibus subjectivis quatinus eligendi episcopum et pastorem licentiam nobis liberam et benivolam concedatis pro qua licentia a vobis obtinenda et nobis per vestrae dominationis litteras transmittenda venerabiles fratres nostros magistrum g[alfridum] de Meleborne et Thomam de Riptone canonicos Sarum vel ipsorum alterum quem praesentem coram vobis esse contigerit si ambo ad vestram dominationem venire nequeant transmittimus cum nostrarum certitudine litterarum Valeat regia sublimitas per tempora longa et bona

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.