Omnibus Christi fidelibus presentes litteras inspecturis Iohannes prior humilisque conuentus ecclesie Christi Cant salutem in domino Ad uniuersitatis uestre notitiam uolumus peruenire nos concesse ad firmam Willelmo rectori ecclesie de Liuingeburne usque ad finem decem annorum decimam nostram quam in parrochia eiusdem ecclesie de tenemento duorum militum uidelicet Willelmi de Bech et Eustachii de Burnes percipere solebamus pro vigintiquinque marcis sterlingorum quas ipse nobis pre manibus dedit quam et eidem Willelmo per dictum terminum tenemus warantizare Et quam dicte ecclesie grata per nos desideramus incrementa prouenire honori prefati Willelmi rectoris et omnium successorum suorum pie utilitati uolentes prouidere intuitu dei et de mera liberalitate nostra post finem dictorum decem annorum dictam decimam prenominate ecclesie concessimus in perpetuum possidenda toto nostro iuri quod in ipsa decima habuimus uel habere potuimus renuntiantes Et in huius rei testimonium presentes litteras sigilli nostri appositione fecimus roborari Dat anno domini m cc xxv mense Februario

Source Fulltext: Cartulary of the Priory of St. Gregory, Canterbury. A. M. Woodcock. Camden Third Series, V.88. Offices of the Royal Historical Society. London. 1956.