Anno domini m cc nonagesimo nono die martis in festo sancti Dunstani archiepiscopi inter fratrem Iohannem priorem de N et eiusdem loci conuentus ex parte una et fratrem Robertum magistrum hospitalis sancti Leonardi Bed et eiusdem loci fratres ex altera ita conuenit uidelicet quod cum dicti prior et conuentus sex denarios annui redditus ab eisdem magistro et fratribus pro i acra terre iacente in campo de Bed inter terras dictorum magistri et fratrum et Iohannis Calt et lanceat in Holewey quam dicti magister et fratres tenent de dictis priore et conuentu ac idem magister et fratres septem denarios annui redditus de predictis priore et conuentu pro i acra terre iacente in campo de Harewedon inter terram quondam Thome le Wyte ex parte una et terram Galfridi Ston ex altera et lanceat ad unum caput super Bradewey quam dicti prior et conuentus de eisdem magistro et fratribus tenent annuatim ad duos anni terminos percipere consueuerant iidem prior et conuentus dictum annuum redditum vj denariorum pro se et successoribus suis eisdem magistro et fratribus et eorundem successoribus ac idem magister et fratres dictum annuum redditum septem denariorum pro se et successoribus suis eisdem priori et conuentui et eorum successoribus de communi utriusque partis consilio et assensu ad inuicem concesserunt remiserunt et omnino quietum clamauerunt inperpetuum ita uidelicet quod nec dicti prior et conuentus in predicto annuo redditu sex denariorum nec idem magister et fratres in predicto annuo septem denariorum uel aliqui eorundem nomine aliquod ius uel clamium de cetero exigere poterunt seu uendicare In cuius rei testimonium huic presenti scripto in modum cyrographi confecto partes alternatim sigilla sua apposuerunt Hiis testibus etc

Source Fulltext: Cartulary of Newnham Priory. Joyce Godber. Bedfordshire Historical Records Society, V.43. Bedfordshire Historical Records Society. Bedford. 1963-1964.