Bonifacius episcopus servus servorum Dei. Ad perpetuam rei memoriam. Бит sollicitae considerationis in mente revolvimus fructus uberes et palmites fructuosos, quos Studium Cracoviense prae aliis Studiis generalibus in praerogativa scientiarum singulare, ubique diffundit. dignum et rationabile reputamus, ut ea Doctoribus, Ma- gistris et Scholaribus ipsius Studii concedamus, quae ipsorum commodo et utilitati fore conspicimus opportuna. Sane petitio pro parte carissimi in Christo filii nostri Wladislai Eegis Poloniae illustris et dilectorum filiorum Iohannis Andreae de Than- czin Capitanei generalis et Zaklikae de Mydlniki Cancellarii regni Poloniae ac alio- rum fratrum eorundem, baronum et nobilium de Bipennis alias de Toporow nuncu- patorum, nobis nuper exhibita continebat, quod ipsi considerantes, quod Rector et Magistri ac Scholares Studii praefati sumptus et expensas ac onera gravia, quae ipsos iugiter subire opportet, commode prout vellent supportare nequeunt, desiderant eis de alicuius subventionis auxilio in relevationem onerum et expensarum huiusmodi per Sedem apostolicam provideri. Quare pro parte Eegis et Iohannis ac Zaklikae nec non fratrum eorundem praedictorum nobis humiliter fuit supplicatum, ut saecu- larem et collegiatam ecclesiam Sancti Egidii Cracoviensem, cuius iuspatronatus ad eosdem Iohannem et Zaklikam ac fratres eorum praedictos pro una medietate, pro alia autem medietate ad dilectos filios Abbatem et conventum monasterii in Siecie- chow ordinis Sancti Benedicti Cracoviensis dioecesis pertinere dinoscitur, cum omni bus praebendis et Canonicatibus, Custodia et aliis beneficiis ecclesiae eiusdem, Studio praefato eiusque Universitati unire-, annectere et incorporare de benignitate aposto lica dignaremur. Nos igitur huiusmodi supplicationibus inclinati, ecclesiam praedic- tam, cuius nec non Studii praefati fructus, reditus et proventus praesentibus haberi volumus pro expressis, cum praebendis, Canonicatibus et Custodia ac aliis beneficiis, nec non iuribus et pertinentiis suis, quocunque nomine censeantur, et in quibuscun- que rebus, locis et possessionibus consistant, Studio et Universitati praefatis autho- ritate apostolica tenore praesentium unimus, annectimus et incorporamus, nominaque Custodiae et Canonicatuum, cum illam et illos simul vel successive vacare contigerit, eadem authoritate extinguimus in eadem, ita quod cedentibus vel decedentibus Cu stode et Canonicis praefatis, vel Custodiam seu praebendas huiusmodi alias quomo- dolibet dimittentibus, liceat Rectori, Magistris et Universitati praedictis, authoritate propria et quibuscunque contradictionibus non obstantibus, praebendarum huiusmodi successive prout vacabunt et post vacationem omnium eiusdem ecclesiae corporalem possessionem libere apprehendere et licite perpetuo retinere, Dioecesani loci ac Abbatis et conventus monasterii Sieciechoviensis präedictorum et cuiuscumque alterius licen- tia minime requisita; reservatis tamen de fructibus, reditibus et proventibus dictae

ecclesiae pro duobus presbyteris inibi Altissimo perpetuo servituris, per ipsos Rec- torem, Magistros et Universitatem in dicta ecclesia ponendis et ad nutum ipsorum removendis, congruis portionibus, de quibus iidem presbyteri possint congrue susten tan, episcopalia iura solvere et alia eis et dictae ecclesiae incumbentia onera sup- portare. Non obstantibus statutis et consuetudinibus dictae ecclesiae et aliis contra- riis quibuscumque, aut si aliqui super provisionibus sibi faciendis de Canonicatibus et praebendis ac dignitatibus, personatibus vel officiis aut aliis beneficiis ecclesias- ticis in illis partibus speciales vel generales apostolicae Sedis vel Legatorum eius literas impetrarint, etiamsi per eas ad inhibitionem, reservationem et decretum vel alias quomodolibet sit processum; quas quidem literas et processus habitos et ha bendos per easdem ad Canonicatus et praebendam ac Custodiam et ecclesiam prae- dictos volumus non extendi, sed nullum per hoc eis quo ad assecutionem Canonica - tuum et praebendarum ac dignitatum, personatuum vel officiorum aut beneficiorum aliorum praeiudicium generari, et quibuslibet aliis privilegiis, indulgentiis et literis apostolicis generalibus vel specialibus, quorumcunque tenorum existant, per quae prae- sentibus non expressa vel totaliter non inserta effectus earum impediri valeat quo modolibet vel differri, et de quibus quorumcunque totis temporibus de verbo ad ver- bum habenda sit in nostris uteris mentio specialis; nos enim ex nunc irritum de- cernimus et inane, si secus super his a quoquam quavis auctoritate scienter vel ignoranter contigerit attentari. Nulli ergo hominum liceat omnino hanc paginam nostrae unionis, annexionis, incorporationis, extinctions, voluntatis et constitutionis infringere vel ei ausu temerario contraire; si quis autem hoc attentare praesumpse- rit, indignationem omnipotentis Dei et Beatorum Petri et Pauli Apostolorum eius noverit se mcursurum. Datum Eomae apud Sanctum Petrum, Sexto Idus Maii, Pon- tificatus nostri anno duodecimo.

Gratis de mandato domini nostri PP. Io. de Tremosnicz.

(Ex libro manuscripto: „Prothocollon privilegiorum, fundationum Con- „ventus S. Trinitatis Fratrum Praedicatorum per Fr. Arnolfum Presinium „descriptum Anno 1648," pag. 282.)