|N001|Wir Rudolf von Gotz gnaden herezog ze Österreich, cze Steyr und ze Kernden et cetera tun chunt, daz |N002|wir dem durluchtigen hochgepornen fürsten herrn Ludwigen, kunig ze Ungern, unserm |N003|lieben bruder, von soleicher sache und taygding wegen, als er zwuschen dem allerdur¬ |N004|luchtigisten unserm gnedigen herren, herr Karlen roemischem keyser und kunig ze Beheim, und |N005|uns gefuert und getan hat, geantwurt und geben haben genczlich alle die hantvesten |N006|und briefe, die unser vordern, wir und unser prueder von lehens oder phantschaft wegen |N007|uf den landen Beheim und Merhern oder auf andern irn landen und herscheften uncz |N008|uf disen huttigen tag dhains wegs gehebt haben. Were aber, daz furbazzer hinder uns, |N009|unsern prudern oder unsern erben solicher briefe, die unser vordem oder uns gegeben weren, icht |N010|mere funden wurden, die sullen alle tod und absein und enhein chraft mere haben, uzge¬ |N011|nomen allain des briefes, den wir haben von dem hochgepornen fürsten, unserm lieben |N012|oheim, herrn Johan marchgrafen ze Merhern umb den dienst, den er uns tun sol von |N013|der richtung wegen, die der vorgenannte unser pruder von Ungern zwuschen unserm vatter |N014|seligen und im gemachet hat. Mit urchund dicz priefs, versigelt mit unserm anhangendem |N015|insigel, der geben ist ze Tyerna an samztag nach dem heiligen auffart tag unsers|N016|herren nach Cristi gepurt tausent dreuhundert iaren darnach in dem sechtzigisten iare .