|N001|Ich Albrecht von Crenewicz bekenne und tue kunt offenlich mit diesem briefe allen den, die yn sehent oder horent lesen, |N002|das der allirdurchleugiste furste und herre, her Karl, romischir keiser zu allen zeiten merer des reichs und kunig zu Beheim, |N003|meyn liebir genediger herre, mich vier hundirt und achzig schokke guter pehemischir grözzir Prager pfenninge |N004|an den czweliff hundirt schokken, die er mich uff sante Jurgen tag, der nue nehest vergangen ist, bezalhet suelde |N005|haben, hat gerichtet und bezalhet. Dorumb sag ich vorgenanter Albrecht, meinen egenannten herren, den keiser und alle seine |N006|bürgen, die dofür gelobet haben, derselben vierhundirt und achzig schokke, der ich von den egenannten czwelifhundirt |N007|schokken also beyn bezalhet, gancz und gar quyet, ledig und loze mit diesem brife. Des zu urkunde hab ich meyn |N008|ingesigil zu eynem gezeugnuzze der warheit an disenselben brief gehangen, der geben ist zu Brunne nach|N009|Cristus geburte dreyzehenhundirt jar und dornach in dem sechzigsten iare an des heiligen Creuczes tage, als|N010|es funden wart .