|N001|Wir Gerlach von Gots gnaden ertzbischove zu Meintz, des heiligen reiches ertzcancler in Deutschen landen, bekennen und tun kunt offenlich mit di |N002|sem brive allen, den die in sehent oder horent lesen, alleine die brive dez allirdurchluchtigsten fursten und herren, hern Karls romischen kungs zu|N003|allen tzeiten merers des reichs und kungs zu Behem , unsirs lieben gnedigen herren, die er ubir seine pfantschefte der stat und dez landez zu Eger und |N004|der vesten Flozz und Parkstein und waz dorczu gehoret, gehabt hat und die auch seliger gedechtnuzze die hochgebornen fursten, ettwenne kunge zu Beheim, |N005|sein elter durch merklicher sachen willen von dem heiligen reiche behaldin und dirworben haben, von widirczemer ungeschicht beide verbrennet und ver¬ |N006|lorn sint, das er domite sein recht nicht beweisen mag, als billich were, doch, sintdemmal, daz uns dieselbe pfantschaft wol kundig ist und wir sulcher |N007|geleginheit wol und genczlich undirweiset sein, daz die obgenante stat zu Eger mit dem lande und die vesten Flozz und Parkstein mit allen tzugehorungen |N008|dem kungrich und der cronen zu Beheim umb viertzig tausent mark lotiges silbers, sechst halben guldein florenczer gewicht fur ye die mark tze reyten, tzu |N009|rechtem pfande recht und redlich von wegen des heiligen reichs versetzit sind, und sein eldern und vorvarn, kunge zu Behem, in gewere und rechter |N010|besitzunge derselben pfantschefte gewesen sint und er noch ist uf disen heutigen tag, des haben wir angesehen die besundire gnade und den nutczen, |N011|fleizz und auch die steticliche arbeit, domite der obgenante romische kung, unsir herre, dez heiligen reichs nutcz und ere getrewlich undirstanden |N012|hat, und haben auch gebruvet die merklichen getrewen dienste, die seine eldern, ettwenne hochgeborne kunge zu Behem, dem obgenanten reiche erlichen |N013|und nutczlichen offte getan haben, wanne auch das kungrich zu Behem ein edlez und wirdiges gelyet ist der, romischen cronen, so meinen und wollen |N014|wir sulchen schaden des obgenanten kungrichs zu Behem vernufticlichen undirsteen durch die besundire trewe, domit wir, als ein kurfürste dem heili¬ |N015|gen reiche verbunden sein, uf die rede, daz der obgenante unsir herre dazselbe kungrich zu Behem durch sulchen tzweivel icht beschedigt oder ge¬ |N016|hindert werde, so bekennen wir mit wolbedachtem mute und mit rechtir wizzen, daz die obgenante stat zu Eger mit dem lande und die vesten Flozz |N017|und Parkstein mit merkten, dofern, mit edlen und unedlen, armen und reichen, kreizzen und allen tzugehorungen, die in den gemerken derselbin |N018|lande und vesten gelegen und gesezzin sint, dez obgenanten unsirs herren, als eines kungs zu Behem, seiner erbin und nachkumen, kunge zu Behem, und |N019|der cronen dezselbin kungriches rechte pfantschaft lange gewesen sein und noch seyn fur viertzig tausent mark lotiges silbers sulchis gewichtes, |N020|als dovor begriffen ist. Und dieselbin pfantschaft bestetigen wir mit rechter wizzen in aller mazze, als dovor begriffen ist, und geben dortzu unsire |N021|gunst, wille und wort, als ein erczbischove zu Meincz, dez heiligen reichs erczcancler in Deutschen landen und ein kurfurste dez heiligen reichs. |N022|Mit urkunde dicz brives, versigilt mit unserm insigel, der geben ist zu Speyr nach Cristus geburtte dreuczen hundirt jare, dornoch in dem drey und|N023|fumfczigsten jare, an der nechstin mittwochin vor dez heiligen santh Niclas tag .