|N001|Wir Johans von Gots gnaden burggrave zu Nuremberg bekennen und tun kunt offenlich mit |N002|disem brive allen den, die in sehin odir horen lesen, daz der allirdurchluchtigste furste und herre, |N003|her Karl romischer kung, zu allen tzeiten merer des reichs und kung zu Behem, unsir lieber gnediger |N004|herre, die vesten Flozz und Parkstein und waz dorezu gehoret, als ein kung zu Behem, von uns und |N005|graven Albrechten, unserm bruder, umb siben tusent mark lotiges silbers vier und sechezig guter |N006|behemischer grozze Prager müntze fur ie die mark tzereiten, geledigit und gelosit hat, und wir |N007|dezselbin gelts von der bern gelt in dem kungrich zu Behem recht und redlich beczalet seind. |N008|Mit urkund dicz brives, versigilt mit unserm insigel, der gebin ist zu Speyer nach Cristus geburte|N009|dreytzen hundert jar, dornach in dem drey und fumfczigisten jare, dez nechstin suntags nach santh|N010|Elizabethen tage .